Ajit Pawar Black & White Marathi news : पुण्यातील गुंडगिरीला सर्वच पक्ष जबाबदार असल्याचे वक्तव्य राष्ट्रवादी काँग्रेसचे अध्यक्ष अजित पवार यांनी केलेय. ते साम टीव्हीच्या ब्लॅक अॅण्ड व्हाईट या कार्यक्रमात बोलत होते. संपादक निलेश खरे यांनी उपमुख्यमंत्री अजित पवार यांची मुलाखत घेतली. यामध्ये शरद पवारांसोबतची युती, भाजपसोबतचे आरोप अन् पुण्यातील घोटाळा अन् गुंडगिरीवर चर्चा झाली. पुण्यातील गुंडगिरी वाढवण्यासाठी सर्वच पक्ष जबाबदार असल्याचे वक्तव्य यावेळी अजित पवारांनी केले.

कोयता गँगवर बोलायला सगळे दबकत आहेत. याला दोषी राजकीय पक्ष आहे. निवडणुकीमध्ये यश मिळायला सोपं जातं असं बहुतेक राजकीय पक्षांनी ठरवलेलं आहे. आणि त्याच्यामुळे हे आत्ताच नाही तर गेल्या अनेक वर्षापासून गेले अनेक वर्षापासून पुण्यामध्ये ही परिस्थिती निर्माण झाली. पण त्याला मी समजा एका पक्षाचा आहे तर मी एकट्याने करून चालणार नाही. जर तिथे आठ पक्ष दहा पक्ष काम करत असेल तर सगळ्यांना आता कंट्रोल आणावा लागलं, असे अजित पवार म्हणाले.