बीड : उपमुख्यमंत्री अजित पवार यांनी बीडमध्ये बंजरंग सोनावणे यांच्याबाबत मोठं विधान केलं. पैसा आल्यानं बजरंग सोनावणे यांना मस्ती आलीय, असं अजित पवार यांनी म्हटलं. ते बीडमध्ये पंकजा मुंडे यांच्या प्रचारासाठी आयोजित करण्यात आलेल्या सभेमध्ये बोलत होते. यावेळी अजित पवार यांनी तुफान फटकेबाजी करत बजरंग सोनावणे यांच्यावर सडकून टीका केली. पंकजा मुंडे यांच्याविरोधात लोकसभा निवडणुकीला उभे राहिलेल्या बजरंग सोनावणे यांच्याबाबत अजित पवारांनी तिखट वक्तव्य केली आहे. ज्याने मला सोडलं, तो तुम्हाला का सोडू शकत नाही? असा सवालही अजित पवारांनी यावेळी विचारला. 'अरे तू तुझ्या पोरीला ग्रामपंचायतीत निवडून आणू शकला नाही..तू नगरपंचायत, पालिकेत निवडून आणू शकत नाही आणि तू खासदार व्हायला निघाला' असं वक्तव्य अजित पवारांनी केल्याचं पाहायला मिळालं.