आमच्याकडे पाच वर्ष आहेत.त्यामुळे कोणत्याही परिस्थितीत लाडकी बहिण योजना बंद होणार नाही.थोडीशी ओढाताण होत आहे. मात्र त्यावर मार्ग काढल्याचं उपमुख्यमंत्री अजित पवार यांनी स्पष्ट केले. कोल्हापूर जिल्ह्यातील इचलकरंजीत अजित पवारांच्या उपस्थितीत राष्ट्रवादी शरद पवार पक्षातील अनेकांनी राष्ट्रवादी अजित पवार पक्षात जाहीर प्रवेश केला. या कार्यक्रमात अजित पवार बोलत होते.

यावेळी कोल्हापूर जिल्ह्यात राष्ट्रवादी काँग्रेसची ताकद वाढविण्यासाठी जास्तीत जास्त सभासद नोंदणी करण्याच्या सुचना पवार यांनी केल्या.दरम्यान भविष्यात कोल्हापूर जिल्ह्यातून राष्ट्रवादी काँग्रेसचे जास्तीचे आमदार निवडून यायला हवे अशी भावना अजित पवार यांनी व्यक्त केली. लाडकी बहीण योजनेबाबत अनेक तर्क वितर्क लावले जात होते ही या योजणेमुळे सरकार तोट्यात जात आहे यामुळे ही योजना लवकरच बंद होईल असे अनेकजन सांगत होते.यावरच उपमुख्यमंत्री अजित पवार यांनी विराम लावला आहे.