राज्यामध्ये सर्वत्र सध्या बिबट्याने थैमान घातले असून नागरिकांमध्ये भीतीचे वातावरण पसरले आहे. बिबट्यामुळे अनेकांनी आपले जीव गमवले. दोन दिवसांपूर्वी देखील नाशिकच्या भोसला मिलिटरी शाळेमध्ये बिबट्या दिसल्याचे सांगितल्याने शाळेला सुट्टी जाहीर करण्यात आली होती. बिबट्यांची संख्या नियंत्रणात आणण्यासाठी बिबट्यांच्या नसबंदीला केंद्रीय पर्यावरण, वन आणि हवामान बदल मंत्रालायची मान्यता मिळाली आहे असे राज्याचे वनमंत्री गणेश नाईक यांनी सोमवारी सांगितले.

अशातच आज उपमुख्यमंत्री अजित पवार यांनी यावर महत्वाची प्रतिक्रिया दिली आहे. शाळा परिसरात देखील बिबट्याचा वावर वाढल्याने 9.30 ते 4 ही शाळेची वेळ असणार आहे. तसेच थोड्याच वेळात मुख्यमंत्री देवेंद्र फडणवीसांसोबत बैठक होणार असून बिबट्या संदर्भात तोडगा निघणार आहे.