कोचीहून मुंबईकडे येणाऱ्या एअर इंडिया एक्सप्रेसच्या विमानाला लँडिंगदरम्यान मोठा धक्का बसला आहे. विमानाचं नियंत्रण सुटल्यामुळे त्याचं एक चाक थेट धावपट्टीबाहेर गेलं. या प्रकारामुळे काही काळासाठी प्रवाशांमध्ये भीतीचं वातावरण निर्माण झाले होते.घटनेदरम्यान वैमानिकांनी प्रसंगावधान राखून विमान थांबवलं, त्यामुळे मोठा अपघात टळला. सुदैवाने या घटनेत कोणतीही जीवितहानी झालेली नाही. सर्व प्रवासी सुखरूप असून त्यांना विमानातून सुरक्षित बाहेर काढण्यात आलं आहे.

घटनेची माहिती मिळताच विमानतळ प्रशासन आणि तांत्रिक पथकाने तातडीने घटनास्थळी धाव घेतली. सदर घटनेचा सखोल तपास सुरू करण्यात आला असून, अपघाताचं नेमकं कारण जाणून घेण्यासाठी विमानाचं तांत्रिक परीक्षण केलं जात आहे.या प्रकारामुळे काही वेळ मुंबई विमानतळावरील उड्डाणे आणि लँडिंग सेवा काही काळासाठी विस्कळीत झाली होती.