अहमदनगरमधून (Ahmednagar News) एक मोठी बातमी समोर आलीये. कुंडलिकराव जगताप साखर कारखान्याच्या (Sugar Factory) मालमत्ता जप्तीचे आदेश देण्यात आले आहेत. शेतकऱ्यांचे गाळप उसाचे पैसे थकवल्यामुळे पुणे साखर आयुक्तांनी हे आदेश काढले आहेत. 31 मे 2024 रोजीचे हे आदेश आहेत. 21 कोटी 3 लाख 50 हजारांच्या वसुलीसाठी कारखान्याची जंगम आणि स्थावर मालमत्ता जप्त करून त्याची विक्री करून शेतकऱ्यांना रक्कम अदा करण्याचे आदेश देण्यात आले आहेत. त्याचप्रमाणे अहमदनगर जिल्हाधिकारी सिद्धराम सलीमठ यांना प्राधिकृत करण्यात आले आहे.