अहिल्यानगर : नगरमध्ये भरदिवसा दरोडा झाल्याची घटना घडली आहे. संगमनेर तालुक्यातील साकूर गावात ही घटना घडली आहे. ज्वेलर्सच्या दुकानात भरदिवसा दरोडा घडल्याने परिसरात एकच खळबळ उडाली आहे.

साकूर गावात चार ते पाच जणांनी दुकानात प्रवेश करत मोठी लूट केली आहे. सोन्या चांदीच्या दागिन्यांसह रोख रक्कम घेऊन चोरटे पसार झाले आहेत. ही दरोड्याची संपूर्ण घटना सीसीटीव्ही कॅमेऱ्यात कैद झाली आहे. दुपारी १ वाजेच्या दरम्यान ही घटना घडली आहे. रक्कम लुटून बाहेर पडल्यावर हवेत गोळीबार करत चोरटे पसार झाले आहेत. दुचाकीवरून चोरटे आले होते. दरोड्यानंतर चोरटे पारनेरच्या दिशेने पळाले. पोलीस घटनास्थळी दाखल पोहोचले आहेत. दुकानातून नेमका किती मुद्देमाल गेला, हे फिर्याद दाखल झाल्यावर समोर येईल.