अहमदाबादमधील मेघानीनगर परिसरात एअर इंडियाचे विमान कोसळल्याची घटना घडली होती. अहमदाबाद येथील मेघानीनगर परिसरातील घोडा कॅम्पजवळ गुजसेल विमानतळाजवळ ही घटना घडली होती. घटनेची माहिती मिळताच अग्निशमन दलाच्या तीन गाड्या आणि पोलिसांचा ताफा घटनास्थळी पोहोचल्या होत्या. युद्धपातळीवर बचावकार्य सुरू होते. यादरम्यान शहरात लांब लांब पर्यंत धुराचे लोट दिसू लागले आणि परिसरातील रहिवाशांमध्ये भीती देखील पसरली होती. हे विमान अहमदाबादवरून लंडनला जात होतं.

उड्डाण घेतल्यानंतर काही वेळातच मेघानी नगर जवळ अपघात झाला. विमानतळापासून मेघानी नगरचं अंतर 15 किलोमीटरचं आहे. या विमानात 242 प्रवासी होते. घटना झाल्यापासून किती लोकांचा यामध्ये मृत्यू झाला याची माहिती स्पष्ट होत नव्हती. आता मात्र याबाबत माहिती समोर आली आहे. या दुर्घटनेत सर्व प्रवाशांचा मृत्यू झाला आहे. एपी या वृत्तसंस्थेनुसार 242 प्रवाशांचा मृत्यू झाला आहे.