आगामी महापालिका निवडणुकीच्या पार्श्वभूमीवर मनसेला मोठा दणका बसला आहे. मनसचे प्रदेश सरचिटणीस दिनकर पाटील हे आज त्यांच्या पत्नीसह भाजपवासी झाले आहे. बुधवारी ठाकरे बंधूंची युती जाहीर झाल्यानंतर शहरातील मनसे कार्यालयाबाहेर दिनकर पाटील यांनी मोठा जल्लोष साजरा केला आणि आज रेल्वे इंजिनमधून उतरून थेट कमळ हाती घेतले. या पक्षप्रवेशाने मनसेला मोठे खिंडार पडले आहे. हा पक्षप्रवेश जलसंपदा मंत्री गिरीश महाजन यांच्या प्रमुख उपस्थित पार पडला. त्यांच्यासह मनसेचे माजी महापौर यतीन वाघ, ठाकरे गटाचे माजी महापौर विनायक पांडे आणि कॉँग्रेसचे माजी नगरसेवक शाहू खैरे यांनी देखील कमळ हाती घेतले आहे. मात्र या पक्षप्रवेशाच्या आधी भाजप कार्यालयाबाहेर मोठा राडा झाला.