मागील काही महिन्यांपासून विमानतळावर अनेक घटना घडत आहेत. त्यातचं आता दिल्ली विमानतळावर एक धक्कादायक घटना घडली आहे. अफगाणिस्तानातील १३ वर्षीय मुलगा विमानाच्या लॅंडिंग गिअरमध्ये लपून काबूलहून दिल्लीला आला. विमान दिल्ली विमानतळावर उतरल्यावर तपासणीदरम्यान १३ वर्षीय मुलगा लपून बसलेले आढळून आल्यास हि बाब उघडकीस आली. या घटनेमुळे विमानतळ प्रशासनात खळबळ उडाली होती. मुलानं कशा प्रकारे लँडिंग गिअरमध्ये प्रवेश केला, याचा शोध घेण्यासाठी तपास सुरू करण्यात आला आहे. प्राथमिक चौकशीनंतर संबंधित मुलाला सुरक्षितपणे अफगाणिस्तानात परत पाठवण्यात आले आहे.या प्रकरणामुळे पुन्हा एकदा विमानतळावरील सुरक्षेवर प्रश्नचिन्ह निर्माण झाले आहेत.