विधान परिषद निवडणुकीमध्ये घोडेबाजारी झाली असून कॉंग्रेसचे आमदार फुटणार अशा चर्चा सुरु होत्या. विधान परिषद निवडणुकीमध्ये फुटाफुटीचं राजकारण झालं, त्यामुळे कॉंग्रेसचा विधानपरिषद निवडणुकीमध्ये पराभव झाल्याच्या चर्चा सर्वत्र सुरु आहेत. फुटीर आमदारांना ६ वर्षांसाठी निलंबीत करा अशी मागणी कॉंग्रेस आमदार विकास ठाकरे यांनी केली आहे. कॉंग्रेसच्या काही आमदारांनी पक्षाच्या निर्देशांविरोधात जाऊन मतदान केलं आहे त्यामुळे त्यांच्यावरोधात कारवाई करावी आणि त्यांना ६ वर्षांसाठी निलंबीत करण्यात यावं अशी मागणी विकास ठाकरे यांनी केली आहे.