विधानपरिषद निवडणुकीमध्ये घोडेबाजारी झाल्याच्या चर्चा सर्वत्र होत आहेत. कॉंग्रेसचे काही आमदार फुटले त्यामुळे कॉंग्रेसचा विधानपरिषदेत पराभव झाला असं काहींचं मत आहे. फुटीर आमदारांवर कारवाई करण्याचे आदेश वरिष्ठांकडून नाना पटोले यांना देण्यात आले आहेत. निवडणुकीत कॉंग्रेसची ७ मतं फुटल्याची चर्चा होत आहे. यामध्ये कॉंग्रेस आमदार हिरामन खोसकर यांचंदेखील नाव चर्चेत आहे. मात्र मी कुठलीही गद्दारी केली नाही, माझी बदनामी थांबवा अशी प्रतिक्रिया हिरामन खोसकर यांनी दिली आहे.