कॉक्रोच जनता पार्टीचे सर्वेसर्वा अभिजीत दिपके यांना जीवे मारण्याची धमकी मिळाल्यानंतर त्यांच्या निवासस्थानाबाहेर मोठा पोलीस बंदोबस्त तैनात करण्यात आला आहे. धमकीच्या पार्श्वभूमीवर दिपके यांच्या घराची सुरक्षा वाढवण्यात आली असून परिसरात पोलीसांची गस्तही वाढवण्यात आली आहे. या घटनेनंतर पोलीस यंत्रणा सतर्क झाली असून धमकी नेमकी कुणाकडून देण्यात आली, याचा शोध घेण्यासाठी तपास सुरू करण्यात आला आहे. संबंधित व्यक्तींचा शोध घेण्यासाठी पोलीसांकडून विविध कोनातून चौकशी केली जात आहे. दरम्यान, या प्रकरणामुळे राजकीय वर्तुळातही खळबळ उडाली असून दिपके यांच्या सुरक्षेबाबत चिंता व्यक्त केली जात आहे.