आधार कार्डचा वापर आता जन्मतारखेचा निश्चित पुरावा म्हणून करता येणार नाही. UIDAI ने (यूआयडीएआय) हे महत्त्वाचं स्पष्टीकरण दिलंय. आधारकार्ड हे केवळ ओळखीचा आणि निवासाचा पुरावा असून, ते वय पडताळणीसाठी अधिकृत दस्ताऐवज मानलं जाणार नाही.

आधार नोंदणी करताना अनेकदा जन्मतारीख अंदाजे किंवा कोणत्याही ठोस कागदपत्राशिवाय नोंदवली जाते. त्यामुळे ही तारीख सरकारी नोंदींनुसार पूर्णपणे अचूक नसते. याच तांत्रिक त्रुटीमुळे न्यायालय आणि विविध सरकारी विभागांनी आधारकार्डला वयाचा अंतिम पुरावा मानण्यास नकार दिला आहे.