महिला डॉक्टरला न्याय मिळावा यासाठी 83 वर्षाचे माजी आमदार नारायण मुंडे उद्या दिवसभर लाक्षणिक उपोषण करणार आहेत. तसेच सरकारने जर हे प्रकरण योग्य पद्धतीने हाताळले नाही तर बीड ते फलटण पायी काठीच्या आधारावर जाण्याचा इशारा दिला आहे. माजी आमदार नारायण मुंडे यांनी आज पीडित कुटुंबाची भेट घेतली. यावेळी पीडित कुटुंबाची हकीकत ऐकल्यानंतर त्यांनी हा निर्णय घेतला आहे. यावेळी बोलताना मुंडे म्हणाले की, ऊसतोड मजुराच्या वाघिणीची लांडग्याने शिकार केली. उद्या दिवसभर बीड जिल्हाधिकारी कार्यालयासमोर उपोषणाला बसणार आहे. शासनाने या प्रकरणाला योग्य पद्धतीने हाताळले नाही तर मी बीड ते फलटण पायी 83 वर्षाचा माणूस पायी काठीच्या आधारावर जाणार आहे असं म्हणत माजी आमदार नारायण मुंडे यांनी ऊसतोड मजुरांच्या लेकीसाठी टोकाचे आंदोलन करण्याचा इशारा दिला आहे.