नाशिक : नाशिकमध्ये ८०० कोटी रुपयांचा घोटाळा झाल्याचा आरोप ठाकरे गटाचे नेते संजय राऊत यांनी केला आहे. या प्रकरणी संजय राऊत यांनी पंतप्रधान नरेंद्र मोदी यांना पत्रही लिहिले आहे. नाशिकमध्ये भुसंपादनात घोटाळा झाला आहे, आणि एकनाथ शिंदे आणि त्यांचे बिल्डर मित्र यात सहभागी आहेत असा आरोप संजय राऊत यांनी केला आहे. जनतेच्या पैशांची ही सरळ सरळ लूट आहे असेही राऊत म्हणाले. राऊत थोड्याच वेळात पत्रकार परिषद घेऊन यावर सविस्तर बोलणार आहेत.