साताऱ्यात नव्हे तर संपूर्ण महाराष्ट्रात खासदार उदयनराजे भोसले यांचा एक वेगळा चाहता वर्ग आहे. दरवेळी उदयनराजे हे आपल्या अनोख्या स्टाईलनं कायम चर्चेत असतात. कधी राजकीय सडेतोड भूमिका असेल तर कधी चाहत्यांकडे पाहून त्यांची कॉलर उडवण्याची स्टाईल... यामुळे थोरांपासून अगदी लहानांपर्यंत उदयनराजेंची हटके क्रेझ कायमच सर्वांना पाहायला मिळते.

साताऱ्यातील पंकज चव्हाण यांचा 3 वर्षाचा चिरंजीव ओजस हा देखील उदयनराजेंचा चाहता आहे. ज्यावेळी उदयनराजे त्याच्या समोर आले त्यावेळी त्याने उदयनराजेंना पाहून त्याच्या हटके स्टाईलने कॉलर उडवली आणि उदयनराजे जसे पुष्पाच्या डायलॉगवर आपल्या गालावरून हात फिरवतात तसे हात वारे केल्यामुळे उदयनराजे देखील आवाक झाले आणि त्याच्यासमोर त्यांनी हात जोडले. यानंतर या चिमुकल्याने उदयनराजेंना समोर ठेवलेले ड्रायफूट खायला दिले असता राजे सुद्धा ते ड्राय फ्रुट स्वतःच्या खिशात भरताना दिसत आहेत. यामुळे लहान मुलांबाबत देखील त्यांना चांगलीच आपुलकी असल्याचे या व्हिडिओमध्ये पाहायला मिळते. सध्या या तीन वर्षाचा चिमुकला ओजस आणि उदयनराजेंचा हा व्हिडिओ सोशल मीडियावर चांगलाच व्हायरल होत आहे.