मुंबई विमानतळावर डीआरआयनं मोठी कारवाई केली आहे. तब्बल २५ किलो सोनं जप्त केलं आहे. अफगाणिस्तानच्या कौन्सुल जनरलकडून हे सोनं जप्त केलंय. महसूल गुप्तचर संचालनालयाने (DRI) केलेल्या या कारवाईत जप्त केलेल्या सोन्याची अंदाजे किंमत १८.६ कोटी रुपये आहे. दूतावासात काम करत असल्याने महिलेला डिप्लोमॅटिक इम्युनिटी deplomatic immunity असल्याने तिची अटक टळली. ही अधिकारी महिला दुबईवरून भारतात आली होती. ग्रीन चॅनलने प्रवेश करत आपल्याकडे सोने नसल्याचा दावा या अधिकारी महिलेने केला होता. तपासणीत जॅकेट, नी कॅप, लेगिंग आणि पट्टयात सोन्याच्या विटा लपवल्याचे आढळून आले.