संजय गडदे, साम टीव्ही

मुंबईच्या बोरिवलीमध्ये धक्कादायक घटना घडली आहे. मुंबईच्या बोरिवली पश्चिम येथील बाभई नाका परिसरात विहिरीत पडून २१ वर्षीय तरुणाचा दुर्दैवी मृत्यू झाल्याची घटना घडली आहे. रात्री झोपेतून लघवीसाठी बाहेर पडलेल्या तरुणाला विहिरीवरील जाळी तुटलेली असल्याचे लक्षात न आल्याने तो थेट विहिरीत पडला. घटनेची माहिती मिळताच स्थानिक नागरिकांनी अग्निशमन दलाला पाचारण केले. अग्निशमन दलाच्या जवानांनी तरुणाला विहिरीतून बाहेर काढले. मात्र त्याच्या पोटात मोठ्या प्रमाणात पाणी गेले होते. त्याला तातडीने पालिका रुग्णालयात दाखल करण्यात आले. मात्र डॉक्टरांनी तपासून त्याला मृत घोषित केले.