भारतीय संघाचा युवा सलामीवर फलंदाज यशस्वी जायस्वालने मोठा भीमपराक्रम केला आहे. आशियाई क्रीडा स्पर्धेत नेपाळविरुद्ध खेळताना यशस्वीने वादळी शतक झळकावलं आहे. एशियन गेममध्ये भारताकडून शतक झळकवणारा तो पहिलाच फलंदाज ठरला आहे. (Latest Marathi News)
त्याच्या खेळीच्या जोरावर भारताने प्रथम फलंदाजी करताना धावांचा डोंगर उभारला आहे. गोलंदाजाला साथ देणाऱ्या खेळपट्टीवर टीम इंडियाचा कर्णधार ऋतुराज गायकवाड याने नाणेफेक जिंकून प्रथम फलंदाजी करण्याचा निर्णय घेतला.
सलामीला आलेल्या यशस्वी जायस्वाल आणि ऋतुराज गायकवाड यांनी भारताला वादळी सुरुवात केली. पण दोघांनी मिळून नेपाळच्या गोलंदाजांचा चांगलाच समाचार घेतला. 103 धावांच्या शतकी भागीदारीनंतर भारताला पहिला धक्का बसला.
त्यानंतर भारताच्या फलंदाजांनी हराकिरी करत एकापाठोपाठ एक विकेट फेकल्या. तिलक वर्मा आणि जितेश शर्मा यांना मोठी खेळी करता आली नाही. दोघेही झटपट माघारी परतले. एका बाजूने विकेट्स पडत असताना दुसरीकडे यशस्वी जायस्वालचे आपल्या फलंदाजीचा तडाखा कायम ठेवला.
यशस्वीने 48 चेंडूत 101 धावा कुटल्या. यामध्ये 8 षटकार आणि 7 चौकारांचा समावेश होता. शतकानंतर यशस्वी माघारी परतला. शेवटच्या क्षणी रिंकू-दुबेच्या फिनिशिंग टचच्या जोरावर भारताने निर्धारित 20 षटकांत 4 विकेटच्या मोबदल्यात 202 धावांपर्यंत मजल मारली.
Edited by - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.