भारत आणि ऑस्ट्रेलिया यांच्यामध्ये २२ नोव्हेंबरपासून पाच सामन्यांची कसोटी मालिका खेळवली जाणार आहे. त्याचा पहिला सामना पर्थ येथे होणार आहे. याआधी टीम इंडियाला मोठा धक्का बसला आहे. सलामीवीर शुभमन गिल जखमी झाला आहे. वेस्टर्न ऑस्ट्रेलिया क्रिकेट असोसिएशन येथे खेळल्या गेलेल्या इंट्रा-स्क्वॉड सामन्यादरम्यान स्लिपमध्ये फिल्डिंग करताना शुभमन गिलला दुखापत झाली होती.
सोशल मीडियावर व्हायरल झालं होतं की त्याच्या बोटाला फॅक्चर झाले आहे आणि तो पर्थमध्ये खेळू शकणार नाही पहिला कसोटी सामना खेळता येईल, नंतर कळले की गिलच्या बोटाला फॅक्चर झाले नाही. मॉर्नी मॉर्केलने प्रेस कॉन्फ्रेन्समध्ये गिलच्या दुखापतीबाबत महत्त्वाची माहिती दिली.
मॉर्केलला गिलच्या दुखापतीबद्दल विचारले तेव्हा तो म्हणाला, त्याच्या दुखापतीत दिवसेंदिवस सुधारणा होत आहे. आम्ही पर्थ कसोटी सामन्याच्या दिवशी सकाळी त्याच्याबाबत निर्णय घेऊ की तो खेळणार की नाही, त्याने मॅच सिम्युलेशनमध्ये चांगली फलंदाजी केली, त्यामुळे त्याला पर्थ कसोटी खेळता यावे यासाठी आपण सर्वजण उत्सुक आहोत. दबाव ही एक गोष्ट आहे पण तरुण संघात एक गोष्ट आहे की तुम्हाला अनेक गोष्टी माहीत नसतात. आम्हाला ते सत्रानुसार तोडायचे आहे, ऑस्ट्रेलियाच्या दर्जेदार गोलंदाजी आक्रमणाला धैर्याने सामोरे जावे लागेल, ऑस्ट्रेलियाकडून कोणतीही सैल गोलंदाजी होणार नाही विकेट वेगवान असेल.
शमीबाबत बोलताना मॉर्केल म्हणाला, आम्ही शमीवर बारीक लक्ष ठेवून आहोत तो एक वर्षापासून क्रिकेटपासून दूर आहे. त्याने पुन्हा खेळायला सुरुवात केली आहे ही आमच्यासाठी मोठी गोष्ट आहे. तो जागतिक दर्जाचा गोलंदाज आहे. याशिवाय मॉर्नी मॉर्केल विराट कोहलीबद्दल म्हणाला की, त्याला पाहून युवा खेळाडूंना खूप काही शिकण्याची संधी मिळेल. मॉर्केलने नितीश रेड्डी यांचेही कौतुक केले आणि म्हटले की तो एक युवा खेळाडू आहे जो अष्टपैलू फलंदाज आहे. तो आमच्यासाठी एक असा खेळाडू असेल जो विशेषतः पहिल्या दोन दिवसांत एक टोक हाताळू शकेल. प्रत्येक संघाला वेगवान अष्टपैलू खेळाडूची गरज असते. त्याचा कसा वापर करतो हे जसप्रीत बुमराहवर अवलंबून असेल.