विराट कोहलीनं वर्षाचा शेवट शानदार शतकी खेळी केलीय. विराट कोहलीने ५२ वे एकदिवसीय शतक झळकावलंय. एकदिवसीय क्रिकेट इतिहासात सर्वाधिक शतकांचा विक्रम त्याने केलाय. हे त्याचे आंतरराष्ट्रीय क्रिकेटमधील ८३ वे शतक आहे. दक्षिण आफ्रिकेविरुद्धच्या पहिल्या एकदिवसीय सामन्यात विराटने १०२ चेंडूत आपलं शतक पूर्ण केलं. या शतकी खेळीत कोहलीने सात चौकार आणि पाच षटकार मारले.

या सामन्यात रोहित शर्माने त्याचे ६० वे एकदिवसीय अर्धशतकही झळकावले. रोहित शतकापर्यंत पोहोचू शकला नाही, परंतु विराट कोहलीने त्याच्या एकदिवसीय कारकिर्दीत ५२ व्या वेळी १०० धावांचा टप्पा ओलांडत दमदार कामगिरी केली आहे. विराट कोहली आता एकदिवसीय क्रिकेट इतिहासात दक्षिण आफ्रिकेविरुद्ध सर्वाधिक शतके करणारा फलंदाज बनलाय.

दक्षिण आफ्रिकेविरुद्ध विराट कोहलीने त्याचे सहावे एकदिवसीय शतक केले. त्याच्या आधी सचिन तेंडुलकर आणि डेव्हिड वॉर्नर यांनी दक्षिण आफ्रिकेविरुद्ध एकदिवसीय सामन्यात प्रत्येकी पाच शतके झळकावली होती.