Virat Kohli News Update : भारताचा स्टार क्रिकेटर विराट कोहली सध्या आयपीएल खेळण्यात व्यस्त आहे. तो रॉयल चॅलेंजर्स बंगळुरू संघाकडून खेळत आहे. विराटने सोशल मीडिया अकाउंट इन्स्टाग्रामवरील जाहिरातीच्या पोस्ट डिलीट केल्या. याशिवाय विराट कोहलीने पुमा ब्रँडसोबत करार संपवला असल्याची माहिती समोर आली आहे. विराटला पुमासोबत यापुढे काम करायचे नसल्याचा अंदाज वर्तवला जात आहे.

पुमा कंपनीसोबत करार संपवल्याने विराट कोहली सध्या चर्चेत आहे. २०१७ मध्ये विराट कोहलीने ८ वर्षांसाठी पुमा कंपनीसह करार केला होता. याच्या मोबदल्यात विराटला ११० कोटी रुपयांचे मानधन मिळाले होते. पुढील ८ वर्षांसाठी करारबद्ध होण्यासाठी पुमा ब्रँडने विराट कोहलीला ३०० रुपयांची ऑफर देण्यात आली होती. पण ही ऑफर विराटने नाकारल्याची माहिती समोर आली आहे.

विराट कोहलीने ३०० कोटी रुपयांची ऑफर नाकारल्यानंतर पुमा कंपनीने अधिकृत पत्रक प्रसिद्ध केले. यात कंपनीने विराट कोहलीला भविष्यासाठी शुभेच्छा दिल्या. एकत्र काम करत असतानाचा वेळ संस्मरणीय होता. आम्ही विराटसोबत अनेक असाधारण मोहिमा केल्या होत्या असे पुमा कंपनीने म्हटले आहे.

एका रिपोर्टनुसार, स्पोर्टिंग बियॉन्ड ही फर्म विराट कोहलीचे कामकाज पाहते. विराट कोहली आता अ‍ॅजिलिटास या कंपनीसोबत भागीदारी करणार आहे. तो या कंपनीचा सहसंस्थापक देखील आहे अशी माहिती रिपोर्ट्सनुसार मिळाली आहे. कोहलीला त्याचा वन८ कम्यून बँड आंतरराष्ट्रीय स्तरावर घेऊन जायचा आहे. यातून विराट कोहली क्रिकेटनंतर त्याच्या कंपनीवर लक्ष देणार असल्याचे स्पष्ट होत आहे.