Virat Kohli Record List:

टीम इंडियाचा माजी कर्णधार विराट कोहली या स्पर्धेत तुफान फॉर्मात आहे. वानखेडे मैदानावर विराटकडून न्यूझीलंडच्या गोलंदाजी धुलाई सुरु आहे. विराटच्या आधी रोहित शर्मा आणि शुभमनने गोलंदाजांची जोरदार धुलाई केली. त्यानंतर विराटने मैदानावर फलंदाजीचा करिष्मा दाखवला आहे. विश्वचषकाच्या स्पर्धेतील सेमी फायनलमध्ये न्यूझीलंडच्या विरोधात खेळताना विराटने शतकी खेळी करत रिकी पॉटिंगच्या धावांचाही विक्रम मोडला आहे. (Latest Marathi News)

विराट कोहली आंतरराष्ट्रीय सर्वाधिक धावा करणाऱ्या यादीमध्ये तिसऱ्या स्थानावर आहे. आता सर्वाधिक धावा करणाऱ्या फलंदाजांच्या यादीत विराटच्या आधी फक्त दोन फलंदाज आहेत. विराटने आजच्या सामन्यात धमाकेदार खेळी करत रिकी पाँटिगच्या धावांचा विक्रम मोडला आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

सर्वाधिक धावा करणाऱ्या यादीमध्ये पहिल्या क्रमांकावर सचिन तेंडुलकरचं नाव आहे. सचिनच्या नावावर वनडे फॉरमॅटमध्ये १८,४२६ धावा आहेत. तर दुसऱ्या क्रमांकावर श्रीलंकाच्या कुमार संगकाराचं नाव आहे. त्याच्या नावावर १४,२३४ धावा आहेत. संगकारानंतर आता विराटने स्थान पटकावलं आहे.

विराटच्या नावावर १३ ,७२० हून अधिक धावा झाल्या आहेत. वनडे क्रिकेट फॉरमॅटमध्ये रिकी पाँटिगच्या १३ हजार ७०४ धावा आहेत. याच सामन्यात विराटने रिकी पाँटिगचा विक्रम मोडला आहे. तर पाचव्या स्थानावर लंकेचा सनथ जयसूर्या असून त्याच्या १३, ४३० धावा आहेत.

वनडे फॉरमॅटमध्ये सर्वाधिक धावा

सचिन तेंडुलकर : 18,426

कुमार संगकारा : 14,234

विराट कोहली : 13,717

रिकी पॉटिंग : 13,704

सनथ जयसूर्या : 13,430