Virat Kohli Tattoo: भारतीय संघाचा दिग्गज फलंदाज आपल्या फलंदाजीसह आपल्या डॅशिंग लूकसाठी देखील प्रसिद्ध आहे. त्यामुळे क्रिकेट चाहते त्याच्या प्रत्येक हालचालींवर लक्ष ठेवून असतात.

नुकताच विराटच्या न्यू हेअरस्टाईलचा फोटो सोशल मीडियावर व्हायरल झाला होता. आता तो आपल्या नव्या टॅटूमुळे चर्चेत आला आहे. मुंबई एअरपोर्टला स्पॉट होताच विराटच्या टॅटूने सर्वांचे लक्ष वेधून घेतले आहे.

हा टॅटू त्याने ऑस्ट्रेलिया विरुद्धची वनडे मालिका झाल्यानंतर काढला आहे. कारण वनडे मालिका सुरु असताना त्याच्या हातावर कुठलाही टॅटू नव्हता.

विराटच्या अंगावर ११ टॅटू आहेत. ज्यात त्याने आई- वडिलांचे नाव, वनडे आणि कसोटी कॅपचा नंबर, जॅपनीस सामूराई, शंकर भगवान आणि वृश्चिक राशीच्या लोगोचा समावेश आहे.

नवीन हेअरस्टाईल आणि नवीन टॅटू काढून आता विराट बेंगलोरला रवाना झाला आहे. आयपीएल २०२३ स्पर्धा सुरु व्हायला अवघे काही दिवस शिल्लक राहिले आहेत. त्यामुळे तो या स्पर्धेसाठी सराव करण्यासाठी सज्ज झाला आहे.