Virat Kohli MI VS RCB : वानखेडे स्टेडियममध्ये आज मुंबई इंडियन्स विरुद्ध रॉयल चॅलेंजर्स बंगळुरु ही लढत रंगली आहे. या सामन्यामध्ये प्रथम फलंदाजी करताना आरसीबीच्या खेळाडूंनी चांगली कामगिरी केली. सलामीसाठी आलेल्या विराट कोहलीने ४२ बॉल्सवर ६७ धावा केल्या. रॉयल चॅलेंजर्स बंगळुरूच्या संघाची धावसंख्या २०० पार गेली आहे.

चौदाव्या ओव्हरमध्ये मुंबईचा कर्णधार हार्दिक पंड्या गोलंदाजीसाठी आला. ओव्हरच्या पहिल्या बॉलवर विराट कॅचआउट झाला. विराटने उजव्या बाजूला जात मागच्या बाजूला शॉट मारला. डीप मिड विकेटला उभा असलेला नमन धीरने चपळाई दाखवत बॉल अलगद झेलला. जर विराट कोहलीने तो शॉट नसता, तर तो बॉल वाइड गेला असता असे म्हटले जात आहे. वाइड बॉलवर चुकीचा शॉट मारल्याने विराट ७६ धावांवर बाद झाला.

जसप्रीत बुमराहने आजच्या सामन्यामधून आयपीएलमध्ये कमबॅक केले आहे. पाठीच्या दुखण्यामुळे तो क्रिकेटच्या मैदानापासून दूर होता. बऱ्याच दिवसांनी तो क्रिकेट खेळण्यासाठी मैदानात उतरला. विराट कोहली आणि जसप्रीत बुमराहची मजामस्ती सामन्यात पाहायला मिळाली. बुमराहच्या ओव्हरमध्ये दुसऱ्या बॉलवर विराट कोहलीने दमदार सिक्स मारला. सिक्सने विराटने बुमराहचे स्वागत केल्याचे सोशल मीडियावर म्हटले जात आहे.

२०१५ पासून जेव्हा-जेव्हा मुंबई आणि बंगळुरू हे दोन संघ आमनेसामने आले आहेत, तेव्हा मुंबईचा विजय झाला आहे. मुंबईने दहा वर्ष वानखेडेवर दबदबा टिकवून ठेवला आहे. दहा वर्षात एकदाही आरसीबीला वानखेडे स्टेडियमवर सामना जिंकता आलेला नाही. त्यामुळे आजचा सामना मुंबई जिंकणार की बंगळुरू याकडे सर्व क्रिकेटप्रेमींचे लक्ष लागले आहे.

मुंबई इंडियन्सची प्लेईंग 11 -

विल जॅक्स, रायन रिकेल्टन, सूर्यकुमार यादव, तिलक वर्मा, हार्दिक पंड्या (कर्णधार), नमन धीर, मिचेल सँटनर, दीपक चहर, ट्रेंट बोल्ट, जसप्रीत बुमराह, विग्नेश पुथूर

रॉयल चॅलेंजर्स बंगळूरूची प्लेईंग 11 -

फिलिप सॉल्ट, विराट कोहली, देवदत्त पडिक्कल, रजत पाटीदार (कर्णधार), लियाम लिव्हिंगस्टोन, जितेश शर्मा (विकेटकीपर), टिम डेव्हिड, कृणाल पंड्या, भुवनेश्वर कुमार, जोश हेजलवुड, यश दयाल.