Ind vs Aus Virat kohli's form: बॉर्डर गावसकर ट्रॉफीत भारतीय संघाचा अनुभवी फलंदाज विराट कोहलीला हवी तशी कामगिरी करता आली नाहीये. इंदूरच्या मैदानावर सुरु असलेल्या तिसऱ्या कसोटी सामन्यातील दोन्ही डावात तो फ्लॉप ठरला आहे.

या सामन्यातील दुसऱ्या डावात तो अवघ्या १३ तर पहिल्या डावात २२ धावा करत माघारी परतला होता. ऑस्ट्रेलियाचे २ नवखे गोलंदाज विराट कोहलीला सुरुवातीपासून नडत आहे. (Latest Sports Updates)

ऑस्ट्रेलिया संघाकडून या मालिकेत २ गोलंदाज आहेत जे जोरदार कामगिरी करत आहेत. हे दोन गोलंदाज आहेत टॉड मर्फी आणि कुन्हेमन. विराट ज्या ज्यावेळी फलंदाजीला येतोय त्यावेळी हे दोन्ही गोलंदाज त्याला नडताय.

तिसऱ्या कसोटी सामन्यातील दुसऱ्या डावात विराट चांगल्या टचमध्ये दिसून येत होता. त्याने कुन्हेमनला २ चौकार मारले. मात्र त्यानंतर तो पायचीत होऊन माघारी परतला. कुन्हेमनने टाकलेल्या चेंडूवर विराटने चुकीचा शॉट मारण्याचा प्रयत्न केला. मात्र या नादात तो बाद होऊन माघारी परतला.

नवखे खेळाडू विराटसाठी ठरताय डोकेदुखी...

विराट कोहली या सामन्यातील पहिल्या डावात २२ धावांवर माघारी परतला होता. पहिल्या डावात त्याने मर्फीने माघारी धाडले होते. तर दुसऱ्या डावात अवघ्या १३ धावसंख्येवर त्याला कुन्हेमनने बाद करत माघारी धाडले होते. या दोघांनाही जास्त सामने खेळण्याचा अनुभव नाहीये. दोघांची ही पहिलीच कसोटी मालिका आहे.

विराट कोहलीने इंदूर कसोटी सामन्यापूर्वी ३ इनिंगमध्ये ७५ धावा केल्या होत्या. यादरम्यान तो ३ वेळेस बाद होऊन माघारी परतला होता. ज्यात २ वेळेस टॉड मर्फीने तर १ वेळेस त्याला कुन्हेमनने बाद करत माघारी धाडले होते.

५ इनिंगमध्ये केल्या आहेत केवळ ११० धावा..

विराट कोहलीने या इनिंगमध्ये केवळ ११० धावा केल्या आहेत. यादरम्यान त्याला एकही अर्धशतक झळकावता आले नाहीये. तर त्याची सरासरी २५ पेक्षाही कमी आहे. विराट या संपूर्ण मालिकेत फिरकी गोलंदाजांविरुध्द खेळताना अडचणींचा सामना करताना दिसून आला आहे.