IND VS AUS 3rd Test: अखेर अश्विनने कपिल देव यांना टाकले मागे, बनला भारताचा तिसरा सर्वात यशस्वी गोलंदाज

Ind vs Aus R Ashwin record: इंदूरच्या होळकर स्टेडियमवर भारत विरुध्द ऑस्ट्रेलिया या दोन्ही संघांमध्ये ४ कसोटी सामन्यांच्या मालिकेतील तिसरा सामना सुरु आहे. या सामन्यात आतापर्यंत दोन्ही संघांमध्ये बरोबरीचा खेळ पाहायला मिळाला आहे.

दरम्यान सामन्याच्या दुसऱ्या दिवशी आर अश्विनने कपिल देव यांचा मोठा विक्रम मोडून काढला आहे. (Latest sports updates)

आर अश्विन हा सध्या भारतीय संघातील सर्वात यशस्वी गोलंदाज आहे. त्याने ऑस्ट्रेलियाविरुध्द सुरु असलेल्या तिसऱ्या कसोटी सामन्यात २ गडी बाद करताच इतिहासाला गवसणी घातली आहे. त्याने कपिल देव यांचा आंतरराष्ट्रीय क्रिकेटमध्ये ६८७ गडी बाद करण्याचा विक्रम मोडून काढला आहे. आता तो भारतीय संघासाठी सर्वाधिक गडी बाद करणारा तिसरा गोलंदाज ठरला आहे.

भारतीय संघासाठी सार्वधिक गडी बाद करण्याचा विक्रम हा अनिल कुंबळेंच्या नावे आहे. अनिल कुंबळे यांनी ९५६ गडी बाद केले आहेत. तर ७११ गडी बाद करण्यासह हरभजन सिंग या यादीत दुसऱ्या स्थानी आहे. आता आर अश्विन या यादीत तिसऱ्या स्थानी पोहोचला आहे. त्याने कपिल देव यांना मागे सोडलं आहे.

आंतरराष्ट्रीय क्रिकेटमध्ये भारतीय संघासाठी सर्वाधिक गडी बाद करणारे गोलंदाज

१) अनिल कुंबळे -९५६ गडी

२) हरभजन सिंग -७११ गडी

३) आर अश्विन -६८९ गडी

४) कपिल देव- ६८७ गडी

कसोटी क्रिकेटमध्ये सर्वाधिक गडी बाद करणारे गोलंदाज

१) मुथय्या मुरलीधरन - ८०० गडी

२) शेन वॉर्न -७०८ गडी

३) जेम्स अँडरसन -६८५ गडी

४) अनिल कुंबळे -६१९ गडी

५) स्टुअर्ट ब्रॉड - ५७६ धावा

६)ग्लेन मॅकग्रा - ५६३ गडी

७)कोर्टनी वॉल्श -५१९ गडी

८) नॅथन लायन -४७१ गडी

९) आर अश्विन - ९६६ गडी