विदर्भाचा संघ विजय हजारे ट्रॉफीच्या फायनलमध्ये प्रवेश करणार दुसरा संघ ठरला आहे. या स्पर्धेतील दुसऱ्या सेमीफायनलमध्ये महाराष्ट्र आणि विदर्भ हे दोन्ही संघ आमनेसामने आले होते. या सामन्यात विदर्भाने शानदार विजयाची नोंद करत फायनलचं तिकीट कन्फर्म केलं आहे.

आता स्पर्धेतील फायनलच्या सामन्यात विदर्भ आणि कर्नाटक संघ भिडणार आहेत. हा सामना १८ जानेवारीला वडोदरातील कोटांबी स्टेडियममध्ये रंगणार आहे.

दुसऱ्या सेमी फायनलच्या सामन्यात दोन्ही संघांकडून दमदार खेळ पाहायला मिळाला. आधी विदर्भाच्या फलंदाजांनी तुफान फटकेबाजी करत ३०० धावांचा डोंगर उभारला. या धावांचा पाठलाग करताना महाराष्ट्रानेही चोख प्रत्युत्तर दिलं. मात्र महाराष्ट्राचा संघ हा सामना जिंकू शकला नाही. अखेर विदर्भाने बाजी मारत फायनलचं तिकीट कन्फर्म केलं.

या सामन्याबद्दल बोलायचं झालं तर, वडोदरातील कोटांबी स्टेडियममध्ये पार पडलेल्या सामन्यात महाराष्ट्राने नाणेफेक जिंकून विदर्भ संघाला प्रथम फलंदाजी करण्याचं आमंत्रण दिलं. त्यांचा हा निर्णय पूर्णपणे चुकला. कारण विदर्भाच्या फलंदाजांनी महाराष्ट्राच्या गोलंदाजांचा चांगलाच समाचार घेतला. विदर्भाने प्रथम फलंदाजी करताना ५० षटक अखेर ५ गडी बाद ३८० धावांचा पाठलाग करण्यासाठी उभारला.

या सामन्यात फलंदाजी करताना सलामीला फलंदाजीसाठी आलेल्या ध्रुवने १२० चेंडूंचा सामना करत १४ चौकार आणि १ षटकाराच्या साहाय्याने ११४ धावांची तुफानी खेळी केली. तर यशने ११६ धावांची खेळी केली. पहिल्या विकेटसाठी दोघांनी २२४ धावा जोडल्या. त्यानंतर इनफॉर्म करुण नायर फलंदाजीला आला. त्याने ताबडतोड ८८ धावांची खेळी केली.

या धावांचा पाठलाग करण्यासाठी आलेल्या महाराष्ट्राला ३११ धावांपर्यंत मजल मारता आली. हा सामना महाराष्ट्राने ६९ धावांनी गमावला. महाराष्ट्राकडून अर्शीन कुलकर्णीने सर्वाधिक ९० धावांची खेळी केली.