Vaibhav Suryavanshi  Saam tv
Sports

Vaibhav Suryavanshi : गुजरातविरोधात बॅट तळपली, मुंबईविरोधात गारठली; चहरने वैभव सूर्यवंशीला गुंडाळलं, शून्यावर बाद

Vaibhav Suryavanshi News : गुजरातविरोधात आक्रमक फलंदाजी केलेल्या वैभव सूर्यवंशीचा मुंबईविरोधात रंग उडाला. वैभव मुंबईविरोधात शून्य धावांवर बाद झाला.

Vishal Gangurde

वैभव सूर्यवंशीने गुजरात टायटन्स विरोधात ३५ चेंडूत शतक ठोकलं होतं. मात्र, आज गुरुवारी मुंबई इंडियन्सविरोधात काहीच चाललं नाही. मुंबईचा जलद गोलंदाज दीपक चहरने पहिल्या षटकात वैभव सूर्यवंशीला गारद केलं. दीपक चहरच्या भेदक माऱ्यापुढे वैभव सूर्यवंशी शून्यावर बाद झाला. चहरच्या दुसऱ्या चेंडूत वैभव झेलबाद झाला. मागच्या सामन्यात हिरो ठरेलल्या वैभवला सामन्यात खातं उघडता आलं नाही.

दीपक चहरच्या युक्तीपुढे वैभव फेल ठरला. दीपकने वैभव सूर्यवंशीला फूल पिच चेंडू फेकला. त्यामुळे दीपकचा चेंडू न समजलेला वैभव झेलबाद झाला. मिड ऑनवर उभ्या असलेल्या विल जॅक्सने कॅच पकडली. शून्यावर बाद होताच वैभव सूर्यवंशी नाराज झाला. वैभव सूर्यवंशीचं तोंड रडण्यासारखं झालं.

१४ वर्षांच्या वैभवने मागील सामन्यात ३५ चेंडूत शतक ठोकलं होतं. वैभवच्या विकेटचं नुकसान राजस्तान रॉयल्सला झेलावं लागलं. वैभव सूर्यवंशी बाद झाल्यानंतर यशस्वी जैस्वाल १३ धावा करून बाद झाला. यशस्वीने दोन षटकार लगावले. यशस्वीने दोन षटकार लगावल्यानंतर बोल्टने यशस्वीला बोल्ड केलं. नीतीश राणालाही बोल्टने गुंडाळलं. कर्णधार रियान परागला बुमराहने बाद केलं. बुमराहने पहिल्याच चेंडूत शिमरॉन हेटमायरला बाद केलं. यामुळे पॉवरप्लेमध्ये राजस्थानने ५ गडी गमावले.

मुंबईचा मोठा विजय

मुंबईने गुजरातला २० षटकात २१७ धावांचं आव्हान दिलं होतं. मुंबईसाठी रयान रिकल्टनने सर्वाधिक ६१ धावा केल्या होत्या. तर रोहित शर्माने ५३ धावा केल्या. राजस्थानकडून तीक्षणा आणि परागने प्रत्येकी १-१ गडी बाद केला. मुंबईने दिलेल्या आव्हानाचा पाठलाग करताना राजस्थानचा संघ ११७ धावांवर गारद झाला. राजस्थान रॉयल्सचा संघ १०० धावांनी पराभूत झाला. या विजयामुळे मुंबईचा संघ पाँइट टेबलमध्ये पहिल्या स्थानावर पोहोचला आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ganesh Visarjan 2025: गणपती विसर्जनाला राशीनुसार करा 'हे' खास उपाय; पाहा तुमच्या राशीप्रमाणे काय केलं पाहिजे?

Samsung Galaxy S25 FE 5G मोबाईल लाँच, अपग्रेडेड बॅटरीसह जाणून घ्या खास फिचर्स आणि किंमत

Anant Chaturdashi 2025 live updates : मुंबईच्या राजाची विसर्जन मिरवणूक सुरु

Almond Jaggery Puran Poli Recipe : वाटीभर बदाम अन्...; गणपतीसाठी बनवा मऊ- लुसलुशीत पुरणपोळी

Maharashtra Live News Update: मुंबईसह उपनगरात जोरदार पाऊस, सखल भागात पाणी साचायला सुरुवात

SCROLL FOR NEXT