IPL Funny Posters: सध्या भारतात आयपीएल २०२३ स्पर्धेचा थरार सुरु आहे. या स्पर्धेत एकापेक्षा एक रोमांचक सामने पाहायला मिळत आहेत. या स्पर्धेचा थरार पाहण्यासाठी क्रिकेट चाहते स्टेडियममध्ये जाऊन गर्दी करताना दिसून येत आहेत.

स्टेडियममध्ये सामना पाहण्यासाठी येणारे प्रेक्षक आपल्या आवडत्या संघाला समर्थन करणारे पोस्टर घेऊन येतात. तसेच काही प्रेक्षक आगळी वेगळी मागणी करणारे पोस्टर देखील घेऊन येत असतात.

जे कॅमेरासमोर येताच चर्चेचा विषय ठरतात. असाच एक बोर्ड सध्या सोशल मीडियावर जोरदार चर्चेचा विषय ठरतोय.

पोस्टर घेऊन तरुणाने केले आव्हान..

सध्या सोशल मीडियावर एक व्हिडिओ जोरदार व्हायरल होत आहे. ज्यात एक तरुण आगळी वेगळी मागणी करणारा बोर्ड घेऊन मैदानात पोहोचला आहे. तो हातात हा बोर्ड घेऊन स्टेडियमच्या सीटवर उभा असल्याचे दिसून येत आहे.

त्या पोस्टरवर मोठ्या शब्दात लिहिले आहे की, 'लग्नासाठी सरकारी नौकरी असलेला नवरा शोधणे बंद करा, बेरोजगारी...' या पोस्टरवर कॅमेरामनची नजर पडली आणि तो तरुण आपल्या पोस्टरसह मोठ्या स्क्रीनवर झळकला. या पोस्टरचा व्हिडिओ सध्या सोशल मीडियावर जोरदार व्हायरल होत आहे. (Latest sports updates)

नेटकऱ्यांनी पाडला कमेंट्सचा पाऊस..

व्हायरल होत असलेला व्हिडिओ lucknowi_nazaare या इंस्टाग्राम पेजवरून शेअर करण्यात आला आहे. हा व्हिडिओ अपलोड होताच जोरदार व्हायरल होऊ लागला आहे. आतापर्यंत या व्हिडिओला ७ लाखांपेक्षा अधिक लाईक्स मिळाले आहेत.

या भावाने केलेली पोस्ट अनेकांना पटली आहे. अनेकांनी कमेंट करत त्याला समर्थन केले आहे. एका युजरने कमेंट करत लिहिले की, 'आताची तरुणाई सुरु असलेले मुद्दे थेट स्टेडियममध्ये घेऊन जात आहे.' तर दुसऱ्या एका युजरने कमेंट करत लिहिले की, 'भावाला पूर्ण पाठिंबा द्या.'