भारतीय क्रिकेट नियामक मंडळ (बीसीसीआयने) शूक्रवारी आयपीएल २०२५ स्पर्धेसाठी होणाऱ्या लिलावासाठी ५७४ खेळाडूंना शॉर्टलिस्ट करण्यात आलं आहे. या लिलावासाठी १५७४ खेळाडूंनी लिलावासाठी नाव नोंदवलं होतं.

या १५७४ खेळाडूंमध्ये २ खेळाडू असे आहेत जे तुफान चर्चेत आहेत. एक खेळाडू अवघ्या १३ वर्षांचा आहे. तर एक खेळाडू ४२ वर्षांचा आहे. मुख्य बाब म्हणजे दोघांनीही पहिल्यांदाच लिलावासाठी नाव नोंदवलं आहे.

भारताचा १३ वर्षीय खेळाडू लिलावात

या लिलावासाठी बिहारचा १३ वर्षीय खेळाडू वैभव सूर्यवंशीनेही नाव नोंदवलं आहे. लिलावाच्या यादीत तो ४९१ व्या स्थानी आहे. त्याचा ६८ व्या सेटमध्ये समावेश करण्यात आला आहे. सप्टेंबर- ऑक्टोबरमध्ये भारतीय अंडर १९ आणि ऑस्ट्रेलिया अंडर १९ यांच्यात झालेल्या यूथ कसोटी मालिकेत या युवा फलंदाजाने शानदार फलंदाजी करत सर्वांचं लक्ष वेधून घेतलं होतं.

या मालिकेमुळे तो चर्चेत आला. मात्र त्याला प्रथम श्रेणी क्रिकेटमध्ये हवी तशी कामगिरी करता आलेली नाही. त्याचा रेकॉर्ड पाहिला, तर ५ सामन्यातील १० डावात त्याला अवघ्या १०० धावा करता आल्या आहेत. यादरम्यान ४१ धावा ही त्याची सर्वात्तम खेळी आहे.

जेम्स अँडरसननेही नोंदवलं नाव

आयपीएल २०२५ स्पर्धेतील लिलावासाठी इंग्लंडचा माजी खेळाडू जेम्स अँडरसननेही नाव नोंदवलं आहे. तो या लिलावासाठी नाव नोंदवणारा सर्वात वयस्कर खेळाडू ठरला आहे. आंतरराष्ट्रीय क्रिकेटमध्ये ९९१ गडी बाद करणाऱ्या जेम्स अँडरसनने २०१४ मध्ये शेवटचा आयपीएल सामना खेळला होता. आता वयाच्या ४२ व्या वर्षी त्याने लिलावासाठी नाव नोंदवलं आहे.