Tokyo Olympic 2020

भारताची स्टार बॅडमिंटनपटू पी.व्ही सिंधूने (P.V. Sindhu) टोकियो ऑलिम्पिकमधील विजयासह सुरुवात केली. महिला एकेरीच्या पहिल्या सामन्यात तिने इस्त्राईलच्या (Israel) केसेनिया पोलिकार्पोव्हाला (Kesenia Polikarpova) सहज पराभूत केले. सिंधूने केसेनिया पोलिकार्पोव्हाविरुद्ध 29 मिनिटांत 21-7 आणि 21-10 असा सामना जिंकला. (PV Sindhu defeated Kesenia Polikarpova of Israel)

या विजयासह सिंधूने दुसर्‍या फेरीत प्रवेश केला आहे. पीव्ही सिंधू दुसर्‍या फेरीत हाँगकाँगच्या चेउंग नॅगनशी सामना करेल. दोन्ही खेळाडूंमधील सामना 27 जुलै रोजी होणार आहे. पहिल्या गेममध्ये सिंधूने इस्राईलच्या प्रतिस्पर्ध्यावर वर्चस्व गाजवण्याचे सामर्थ्य दाखवून 13 गुण मिळवले. ब्रेकनंतर पी. व्ही सिंधू ११-५ ने अशी आघाडीवर होती. त्यानंतर सिंधूने आघाडी कायम राखली आणि पहिल्या गेममध्ये त्याने 13 मिनिटांत 21-7 अशी दमदार कामगिरी केली.

दुसऱ्या खेळातही सिंधूने आपली उत्तम कामगिरी कायम ठेवली. या दरम्यान खेळाच्या ब्रेकपर्यंत 11-4 अशी आघाडी घेतली. या दरम्यान, केसेनिया पोलिकार्पोव्हानेही अनेक वेळा बाजी मारण्याचा प्रयत्न केला. पण सिंधूच्या शॉट्स आणि खेळीसमोर ती टिकाव धरू शकली नाही. याचा फायदा घेत सिंधूने 16 मिनिटांत दुसरा सामना 21-10ने जिंकला.

या विजयासह जगातील सातव्या क्रमांकावर असलेल्या पीव्ही सिंधूने महिला एकेरीच्या दुसर्‍या फेरीत प्रवेश केला. सिंधूची ही दुसरी ऑलिम्पिक असून महिला एकेरीत तिला सहावे मानांकन मिळाले आहे. दुसर्‍या फेरीत सिंधूचा सामना हाँगकाँगच्या चेउंग नॅगनशी होईल.

Edited By- Anuradha