7 फेब्रुवारीपासून टी-२० वर्ल्डकपला सुरुवात होणार आहे. पाकिस्तानच्या टीमने घातलेल्या गोंधळानंतर टीम इंडिया २०२६ च्या वर्ल्डकपमध्ये भाग घेण्यासाठी सज्ज झालीये. ही स्पर्धा ७ फेब्रुवारीपासून सुरू होणार आहे. श्रीलंका भारतासोबत २०२६ च्या टी२० वर्ल्डकपचं यजमानपद भूषवतेय.
टीम इंडिया ही टी-२० वर्ल्डकप गतविजेती आहे. २०२४ मध्ये भारताने दक्षिण आफ्रिकेला हरवून २०२४ चा टी२० वर्ल्डकप जिंकला होता. जर कोणत्याही टीमने सलग दोनदा टी-२० वर्ल्डकप जिंकलेला नाही. अशातच टीम इंडिया वर्ल्डकप जिंकण्यासाठी दावेदार मानली जातेय.
टीम इंडिया वर्ल्डकप स्पर्धेच्या ग्रुप एमध्ये आहे. भारताव्यतिरिक्त त्यात पाकिस्तान, अमेरिका, नामिबिया आणि नेदरलँड्सच्या टीम्साचाही समावेश आहे. यामध्ये भारताचा पहिला सामना ७ फेब्रुवारी रोजी मुंबईतील वानखेडे स्टेडियमवर होणार आहे. टीम इंडिया अमेरिकेविरूद्ध मैदानात उतरणार आहे.
त्यानंतर १२ तारखेला अरुण जेटली स्टेडियमवर नामिबियाशी सामना आहे. १५ फेब्रुवारी रोजी कोलंबोमध्ये भारत आणि पाकिस्तान यांच्यात सामना खेळवला जाणार आहे. या सामन्यावरून मोठा गदारोळ माजला होता. १८ फेब्रुवारी रोजी नरेंद्र मोदी स्टेडियमवर भारत आणि नेदरलँड्स यांच्यातील सामना खेळला जाणार आहे. टी-२० वर्ल्डकपमध्ये ४ ग्रुप आहेत आणि प्रत्येक गटातील टॉप-२ टीम्सना सुपर-८ मध्ये स्थान मिळणार आहे.
७ फेब्रुवारी २०२६- भारत विरुद्ध अमेरिका, वानखेडे स्टेडियम, मुंबई, संध्याकाळी ७:०० वाजता
१२ फेब्रुवारी २०२६- भारत विरुद्ध नामिबिया, अरुण जेटली स्टेडियम, दिल्ली, संध्याकाळी ७:०० वाजता
१५ फेब्रुवारी २०२६- भारत विरुद्ध पाकिस्तान, आर. प्रेमदासा स्टेडियम, कोलंबो, संध्याकाळी ७:०० वाजता
१८ फेब्रुवारी २०२६- भारत विरुद्ध नेदरलँड्स, नरेंद्र मोदी स्टेडियम, अहमदाबाद, संध्याकाळी ७:०० वाजता
टीम इंडिया सूर्यकुमार यादवच्या नेतृत्वाखाली २०२६ च्या टी-२० वर्ल्डकपमध्ये खेळणार आहे. यावेळी टीमचा अक्षर पटेल उपकर्णधार असणार आहे. गेल्या टी-२० वर्ल्डकपनंतर भारतीय टीमने एकही सिरीज गमावलेली नाही. या टीममध्ये जगातील नंबर वन टी-२० फलंदाज अभिषेक शर्मा आणि नंबर वन गोलंदाज वरुण चक्रवर्ती यांचा समावेश आहे.
सूर्यकुमार यादव (कर्णधार), अक्षर पटेल, अभिषेक शर्मा, तिलक वर्मा, संजू सॅमसन, शिवम दुबे, ईशान किशन, हार्दिक पंड्या, अर्शदीप सिंह, जसप्रित बुमराह, हर्षित राणा, वरुण चक्रवर्ती, कुलदीप यादव, वॉशिंग्टन सुंदर, रिंकू सिंह
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.