भारत आणि अफगाणिस्तान यांच्यातील टेस्ट सामना आज पंजाबमध्ये खेळवला जातोय. या सामन्यात टीम इंडियाचा कर्णधार शुभमन गिल टॉस जिंकून प्रथम फलंदाजी करण्याचा निर्णय घेतला. त्यामुळे भारतीय संघ मोठा स्कोर उभारण्याच्या उद्देशाने मैदानात उतरली आहे. या सामन्यात मानव सुथार या खेळाडूचा भारताकडून डेब्यू होणार आहे.

कशी आहे खेळपट्टी?

पंजाबची खेळ पट्टी फलंदाजांसाठी अनुकूल मानली जाते. त्यामुळे सामन्यात चौकार-षटकारांची आतषबाजी पाहायला मिळण्याची शक्यता आहे. भारतीय टीमकडे अनुभवी आणि आक्रमक फलंदाजांची फळी असल्याने सुरुवातीपासूनच वेगाने रन्स करण्याचा प्रयत्न केला जाऊ शकतो. त्याचवेळी कुलदीप यादव, मोहम्मद सिराज आणि प्रसिद्ध कृष्णा यांच्यावर गोलंदाजीची जबाबदारी असेल.

अफगाणिस्तानची टीमही भारताला कडवी टक्कर देण्यासाठी सज्ज आहे. रहमानुल्लाह गुरबाज, रहमत शाह आणि अजमतुल्लाह उमरजई यांच्यासारखे खेळाडू टीमसाठी महत्त्वाची भूमिका बजावू शकतात. टीम इंडिया घरच्या मैदानाचा फायदा घेण्याचा प्रयत्न करणार आहे. तर अफगाणिस्तानची टीम दमदार कामगिरी करत विजय मिळवण्याच्या निर्धाराने मैदानात उतरली आहे.

भारताची संभाव्य प्लेइंग इलेव्हन:

केएल राहुल, यशस्वी जायसवाल, साई सुदर्शन, शुभमन गिल (कर्णधार), ऋषभ पंत (विकेटकीपर), वॉशिंग्टन सुंदर, नीतीश कुमार रेड्डी, मानव सुथार, कुलदीप यादव, मोहम्मद सिराज, प्रसिद्ध कृष्णा.

अफगाणिस्तानची संभाव्य प्लेइंग इलेव्हन:

अब्दुल मलिक, रहमानुल्लाह गुरबाज, रहमत शाह, हशमतुल्लाह शाहिदी (कर्णधार), सेदिकुल्लाह अटल, अफसर जजई (विकेटकीपर), अजमतुल्लाह उमरजई, शराफुद्दीन अशरफ, कैस अहमद, जिया शरीफी, नांगेयालिया खरोटी.