टी- २० वर्ल्डकप स्पर्धेसाठी आज भारतीय संघाची घोषणा केली जाऊ शकते. ही बैठक होण्यापूर्वी भारतीय संघाचा कर्णधार रोहित शर्मा, हेड कोच राहुल द्रविड आणि मुख्य निवडकर्ते अजित आगरकर यांच्यात बैठक झाली होती. तब्बल २ तास चाललेल्या या बैठकीत काही महत्वाचे निर्णय घेण्यात आले. दरम्यान लवकरच भारतीय संघात स्थान मिळवलेल्या १५ खेळाडूंची नावं समोर येतील.

कोणाला मिळणार संधी?

इंडियन एक्स्प्रेसच्या वृत्तानुसार, आज (३० एप्रिल) भारतीय संघाची घोषणा केली जाऊ शकते. काही वृत्तांमध्ये असा दावा करण्यात आला आहे की, संजू सॅमसन आणि केएल राहुलला बाहेरचा रस्ता दाखवला जाऊ शकतो. अशी चर्चा सुरु आहे की,यष्टीरक्षक फलंदाज म्हणून रिषभ पंतला पहिली पसंती दिली जाऊ शकते. त्यामुळे संजू सॅमसन आणि केएल राहुलला टी-२० वर्ल्डकप २०२४ स्पर्धेसाठी भारतीय संघात स्थान मिळणं कठीण आहे.

या खेळाडूंना मिळणार संधी?

इंडियन एक्स्प्रेसच्या वृत्तानुसार, यावेळी युजवेंद्र चहलचं टी-२० वर्ल्डकप खेळण्याचं स्वप्न स्वप्नचं राहण्याची दाट शक्यता वर्तवली जात आहे. नेहमीप्रमाणे यंदाही त्याने आयपीएल २०२४ स्पर्धेत शानदार कामगिरी केली आहे. मात्र यावेळीही त्याला भारतीय संघात स्थान दिलं जाणार नाही. तर दुसरीकडे चेन्नई सुपर किंग्ज संघाकडून शानदार कामगिरी करणाऱ्या शिवम दुबेला भारतीय संघात स्थान मिळण्याची दाट शक्यता वर्तवली जात आहे. यासह खलील अहमद, रियान पराग, अक्षर पटेल आणि शुभमन गिल हे राखीव खेळाडू म्हणून भारतीय संघासोबत वेस्टइंडीजला रवाना होणार असल्याची चर्चा सुरु आहे.

टी -२० वर्ल्डकप २०२४ स्पर्धेसाठी असा असू शकतो भारतीय संघ :

रोहित शर्मा (कर्णधार), विराट कोहली, यशस्वी जयस्वाल, सूर्यकुमार यादव, हार्दिक पंड्या (उपकर्णधार), रिषभ पंत (यष्टिरक्षक), रिंकू सिंग, रविंद्र जडेजा, कुलदीप यादव, जसप्रीत बुमराह, मोहम्मद सिराज, अर्शदीप सिंग, संजू सॅमसन (यष्टिरक्षक), शिवम दुबे