कोलंबोच्या मैदानावर भारत आणि पाकिस्तान यांच्यातील सुपर ४ चा सामना रंगणार आहे. यापूर्वी साखळी फेरीतील सामन्यांमध्ये भारत आणि पाकिस्तान हे दोन्ही संघ आमने सामने आले होते.
मात्र भारतीय संघाची फलंदाजी झाल्यानंतर पावसाचं आगमन झाल्याने हा सामना रद्द करण्यात आला होता. दरम्यान आज होणाऱ्या सामन्यात भारतीय संघाच्या प्लेइंग ११ मध्ये काही बदल पाहायला मिळू शकतात.
पाकिस्तानविरूद्ध झालेल्या साखळी फेरीतील सामन्यामध्ये शार्दुल ठाकुरला संघात स्थान दिले गेले होते. तर यष्टीरक्षक फलंदाज म्हणून ईशान किशनचा संघात समावेश करण्यात आला होता. आता केएल राहुल परतल्याने पुन्हा एकदा ईशान किशनच्या खेळण्यावर प्रश्नचिन्ह उपस्थित झाले आहे. ईशान की राहुल? आणि शमी की शार्दुल? कोणाला संधी द्यायची हा प्रश्न रोहित शर्मासमोर असणार आहे.
कोणाला मिळणार संघात स्थान..
केएल राहुल सुरूवातीच्या २ सामन्यांमधून संघाबाहेर होता. आता त्याचे कमबॅक झाले आहे. मात्र राहुलऐवजी ईशान किशनला संघात स्थान दिले जाऊ शकते. कारण पाकिस्तानविरूद्धच्या पहिल्या सामन्यात ईशान किशनने ८२ धावांची खेळी केली होती.
गेल्या ४ सामन्यांमध्ये त्याने सलग ४ अर्धशतके झळकावली आहेत. तर केएल राहुल दुखापतीतून सावरल्यानंतर कमबॅक करतोय. भारतीय संघासाठी महत्वाच्या असलेल्या सामन्यात केएल राहुलला खेळवण्याची रिस्क रोहित घेऊ शकत नाही.
नेपाळविरूद्धच्या सामन्यात भारतीय संघातील अनुभवी गोलंदाज जसप्रीत बुमराह खेळताना दिसून आला नव्हता.
त्याच्याऐवजी मोहम्मद शमीला संघात स्थान दिले गेले होते. आता जसप्रीत बुमराहच्या कमबॅकनंतर मोहम्मद शमी आणि शार्दुल ठाकुर या दोन्ही गोलंदाजांमधून कोणाला संधी मिळणार हे पाहणं महत्वाचं ठरणार आहे. (Latest sports updates)
या सामन्यासाठी अशी असू शकते भारतीय संघाची प्लेइंग ११
रोहित शर्मा (कर्णधार), शुबमन गिल, विराट कोहली, श्रेयस अय्यर, हार्दिक पंड्या रविंद्र जडेजा,केएल राहुल/ईशान किशन, कुलदीप यादव, जसप्रीत बुमराह, मोहम्मद सिराज, मोहम्मद शमी/शार्दुल ठाकुर.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.