Team India New Coach : भारतीय संघ 15 ऑगस्टपासून आयर्लंड दौऱ्यासाठी रवाना होत आहे. मात्र भारतीय संघासोबत या दौऱ्याला मुख्य प्रशिक्षक राहुल द्रविड खेळांडूसोबत जाणार नाही. कोचिंग स्टाफचे प्रमुख व्हीव्हीएस लक्ष्मण देखील संघासोबत जाणार नाही.

 राहुल द्रविड आणि लक्ष्मण या दोन भारतीय दिग्गजांच्या अनुपस्थितीत एनसीएमधील भारत अ संघाचे मुख्य प्रशिक्षक सितांशु कोटक मुख्य प्रशिक्षकाची जबाबदारी पार पाडतील, अशी माहिती समोर येत आहे.

लक्ष्मण आयर्लंडच्या दौऱ्यावर भारतीय संघाचे मुख्य प्रशिक्षक म्हणून काम करणार होता. परंतु लक्ष्मणवर बंगळुरूमध्ये नवी जबाबदारी देण्यात आली आहे. येथील प्रशिक्षण शिबिर तीन आठवडे चालेल. त्यामुळे लक्ष्मण १८ ऑगस्टपासून सुरू होणाऱ्या आयर्लंड टी-२० सामन्यांसाठी उपलब्ध नसेल.

सितांशु कोटक यांच्यासोबत साईराज बहुतुले हे संघाचे गोलंदाजी प्रशिक्षक म्हणून काम पाहणार असल्याचेही माहिती मिळत आहे. फक्त T20 सामन्याची ही मालिका असणार आहे. मात्र  जसप्रीत बुमराहचं पुनरागमन आणि कर्णधारपद यासाठी ही मालिका महत्त्वाची राहिली आहे.

आयर्लंड दौऱ्यासाठी भारतीय संघ

जसप्रीत बुमराह (कर्णधार), ऋतुराज गायकवाड़ (उपकर्णधार), यशस्वी जयस्वाल, तिलक वर्मा, रिंकू सिंग, संजू सॅमसन (यष्टिरक्षक), जितेश शर्मा (यष्टिरक्षक), शिवम दुबे, वॉशिंग्टन सुंदर, शाहबाज अहमद, रवि बिश्नोई, प्रसिद्ध कृष्णा, अर्शदीप सिंग, मुकेश कुमार, आवेश खान. (Latest sports updates)

टी -२० मालिकेचे वेळापत्रक

• पहिला सामना - १८ ऑगस्ट, मालाहाइड

• दुसरा सामना - २० ऑगस्ट, मालाहाइड

• तिसरा सामना -२३ ऑगस्ट, मालाहाइड