आयसीसी पुरुष टी-२० विश्वचषकातील ५२ वा सामना आज भारत आणि वेस्ट इंडिज यांच्यात खेळला जातोय. सूर्यकुमार यादवने नाणेफेक जिंकून प्रथम गोलंदाजी करण्याचा निर्णय घेतला. भारताने सामन्यात कोणताही बदल न करता प्रवेश केला. कोलकात्यातील ईडन गार्डन्सवर होणारा हा सुपर ८ सामना दोन्ही संघांसाठी उपांत्यपूर्व फेरीसारखा आहे. दरम्यान सामन्याच्या पहिल्या डावात जसप्रीत बुमराहची एक धमाल रिअॅक्शन पाहायला मिळाली.

वेस्ट इंडिजकडून प्रथम फलंदाजी करण्यासाठी शाई होप आणि रोस्टन चेस सलामीवीर म्हणून मैदानात आले. दोघांनीही सावध सुरुवात केली. त्यावेळी बुमराह पाचवे षटक टाकण्यासाठी आला. त्याने संधी निर्माण केली, पण अभिषेक शर्माने एक झेल सोडला. सहा षटकांनंतर वेस्ट इंडिजची धावसंख्या ४५-० होती. त्यानंतर विकेटच्या शोधात असलेल्या भारतीय संघाला वरुण चक्रवर्तीने पहिली विकेट मिळवून दिली. त्याने शाई होपला बाद करून भारताला पहिला ब्रेकथ्रू मिळवून दिला. होपने ३३ चेंडूत ३२ धावा केल्या. तर वेस्ट इंडिज संघाच्या धावा ६८ झाल्या होत्या.

त्यानंतर १२ व्या षटकात जसप्रीत बुमराहने विंडीजला आणखी एक धक्का दिला. त्याने १०२ धावांवर हेटमायरला बाद केले. १२ चेंडूत २७ धावा काढून हेटमायर बाद झाला. त्याच षटकात बुमराहने विंडीजला आणखी एक धक्का दिला. हेटमायरला चेंडू टाकल्यानंतर त्याच्या बॅटचा कट लागून चेंडू संजू सॅमसंगच्या हातात गेला. त्यावेळी यष्टीरक्षक संजू सॅमसंगनं आणि बुमराहनं विकेटसाठी अपील केली.

अंपायरनं बाद झाल्याचं म्हटल्यानंतर हिटमायरनं तिसऱ्या अंपायरकडे नॉट आऊट असल्याची अपील डीआरएसच्या माध्यमातून घेतली. त्यानंतर डीआरएसनंतर अंपायरनं त्याला बाद करार केलं. त्यावेळी बुमराहच्या चेहऱ्यावरील आनंद गगनात मावेनासा होता. चक्रवतीनं विकेट मिळवून दिल्यानंतर भारतीय संघला अजून एक दोन विकेट हव्या होत्या. त्यावेळीच बुमराहनं हेटमायरला झेल बाद केलं.