टीम इंडियाने शुक्रवारी टी२० सामन्यात ७ गडी राखून न्यूझीलंडवर ऐतिहासिक विजय मिळवला. न्यूझीलंडने दिलेल्या आव्हानाचा सूर्यकुमार-शिवमने यशस्वी पाठलाग केला. भारताच्या आक्रमक फलंदाजीपुढे न्यूझीलंडच्या गोलंदगाजांनी गुडघे टेकले. न्यूझीलंडविरोधातील सीरीजमध्ये टीम इंडियाने सलग दुसरा विजय मिळवला आहे.

न्यूझीलंडने प्रथम फलंदाजी करताना २० षटकात ६ गडी गमावून २०८ धावा कुटल्या होत्या. या धावांचा पाठलाग करताना टीम इंडियाची सुरुवात खराब झाली. संजू सॅमसन आणि अभिषेक शर्मा हे लवकर बाद झाले. या दोघानंतर ईशान किशन आणि सूर्यकुमार यादवने धमाकेदार फलंदाजी केली. भारताने ७ गडी राखून न्यूझीलंडवर विजय मिळवला. या विजयामुळे टीम इंडियाने सीरीजमध्ये २-० ने आघाडी घेतली आहे.

२०९ धावांचा पाठलाग करताना टीम इंडियाची खराब सुरुवात झाली. टीम इंडियाने ७ चेंडूच्या आतच दोन गडी गमावले होते. संजू सॅमसन पाच चेंडूत ६ धावा करून बाद झाला. तर अभिषेक शर्मा शून्य धावांवर बाद झाला. ईशान किशनने ३२ चेंडूत ७६ धावांची तुफानी खेळी खेळली. त्याने डावात ११ चौकार आणि ४ षटकार लगावले. तर सूर्यकूमारने ३७ चेंडूत ८२ नाबाद धावा केल्या. शिवम दुबेने १८ चेंडूत ३६ धावा केल्या.

न्यूझीलंडने प्रथम फलंदाजी करताना २० षटकात ६ गडी गमावून २०८ धाव केल्या. न्यूझीलंडचा कर्णधार मिचेलने सर्वाधिक धावा कुटल्या. भारतासाठी कुलदीप यादवने दोन गडी बाद केले. तर न्यूझीलंडच्या गोलंदाजांनी भारतावर दबाव टाकण्याचा प्रयत्न केला. परंतु टीम इंडियाने यशस्वी पाठलाग केला.