>>अभिजीत देशमुख

CSK Bowler Tushar Deshpande Marriage:

चेन्नई सुपर किंग्ज संघाला चॅम्पियन बनवणारा गोलंदाज तुषार देशपांडे विवाह बंधनात अडकला आहे. कल्याणच्या एका हॉलमध्ये हा लग्न सोहळा संपन्न झाला . अनेक दिग्गज फलंदाजांची विकेट काढणाऱ्या तुषार देशपांडेला नभा गड्डमवारने क्लीन बोल्ड केलं आहे.

नभा गड्डमवार ही त्याची कॉलेजची मैत्रीण आहे. काही दिवसांपूर्वी दोघांचा साखरपुडा झाला होता. या साखरपुड्याचे फोटोही सोशल मीडियावर व्हायरल झाले होते.

तुषार देशपांडे हा आयपीएल स्पर्धेत चेन्नई सुपर किंग्ज संघाचं प्रतिनिधित्व करतो. आयपीएल २०२३ स्पर्धेत चेन्नईचा संघ चॅम्पियन बनला होता.या हंगामात त्याने दमदार गोलंदाजी केली होती. यानंतर कॉलेजच्या गर्लफ्रेंडसोबत त्याचा साखरपुडा झाला. त्याच्या साखरपुड्याचे फोटो सोशल मीडियावर व्हायरल झाल्याने लग्नाची एकच चर्चा रंगली होती .

तुषार देशपांडे नभा या कॉलेजच्या गर्लफ्रेंड सोबत विवाह बंधनात अडकला आहे. या विवाह सोहळ्याला त्याचे क्रिकेटचे मार्गदर्शक मित्र आप्तेष्ट नातेवाईक मोठ्या संख्येने उपस्थित राहून वधू-वरांस शुभ आशीर्वाद दिले आहेत .आयपीएल आणि मुंबई संघाकडून एकत्र खेळणाऱ्या प्रशांत सोलंकी,शिवम दुबे,धवल कुलकर्णी, भावीन ठक्कर या स्टार क्रिकेटपटूंनी या लग्नाला हजेरी लावली होती. (Latest sports updates)

कोण आहे तुषार देशपांडेची होणारी लाईफ पार्टनर?

नाभा गद्दमवार असं तुषार देशपांडेच्या होणाऱ्या लाईफ पार्टनरचं नाव आहे. तुषारने साखरपुड्याचे फोटो सोशल मीडियावर शेअर करत पोस्ट केली आहे.

यावेळी त्याने नाभा ही त्याची शाळेपासूनची क्रश होती आणि आता ती त्याची लाईफ पार्टनर बनली आहे, असं म्हटलंय.

आयपीएल २०२३ स्पर्धेत दमदार कामगिरी..

आयपीएल २०२३ स्पर्धेत तुषार देशपांडेने दमदार कामगिरी केली आहे. एमएस धोनीने दिलेली जबाबदारी त्याने योग्यरित्या पार पाडली आहे. त्याने या स्पर्धेतील १६ सामन्यांमध्ये २१ गडी बाद केले आहेत. यादरम्यान ४५ धावा करत ३ गडी बाद ही त्याची सर्वोत्तम कामगिरी होती.