IND vs NZ : भारत आणि न्यूझीलंड यांच्यातील T20I मालिकेला शुक्रवारपासून वेलिंग्टन येथील स्काय स्टेडियमवर सुरुवात होणार आहे. टी 20 नंतर एकदिवसीय मालिका देखील खेळवली जाईल. BCCI ने न्यूझीलंड दौऱ्यासाठी T20 विश्वचषक 2022 संघातील बहुतांश खेळाडूंना विश्रांती दिली आहे.

स्टार फलंदाज विराट कोहली, अनुभवी ऑफस्पिनर रविचंद्रन अश्विन आणि अनुभवी यष्टीरक्षक फलंदाज दिनेश कार्तिक यांच्यासह कर्णधार रोहित शर्मा आणि उपकर्णधार केएल राहुल या मालिकेला दिसणार नाहीत. हार्दिक पांड्या  (Hardik Pandya)  तीन सामन्यांच्या T20I मालिकेत संघाचे नेतृत्व करेल. यानंतर वनडेची जबाबदारी शिखर धवनकडे सोपवण्यात आली आहे. (Cricket News)

भारत-न्यूझीलंड T20 आणि ODI मालिकेचे वेळापत्रक

>> पहिली T20: 18 नोव्हेंबर 2022, दुपारी 12 वाजता

>> दुसरी T20: 20 नोव्हेंबर 2022, दुपारी 12 वाजता

>> तिसरी टी-20: 22 नोव्हेंबर 202, दुपारी 12 वाजता

>> पहिला एकदिवसीय सामना : 25 नोव्हेंबर 2022, सकाळी 7

>> दुसरा एकदिवसीय सामना : 27 नोव्हेंबर 2022, सकाळी 7

>> तिसरा एकदिवसीय : 30 नोव्हेंबर 2022, सकाळी 7 वाजता (Latest Marathi News)

भारत-न्यूझीलंड सामने कुठे बघता येतील?

भारत आणि न्यूझीलंड यांच्यात खेळली जाणारी ही टी-20 आणि एकदिवसीय मालिका टीव्हीवर दाखवली जाणार नाही. क्रिकेट चाहत्यांसाठी त्यामुळे अडचण होऊ शकते. ही मालिका अॅमेझॉन प्राइमच्या अॅप आणि वेबसाइटवर प्रसारित केली जाईल. सोनी टीव्ही किंवा स्टार स्पोर्ट्सकडे त्याचे प्रसारण करण्याचे अधिकार नाहीत. डीडी स्पोर्ट्सवर हे सामने प्रसारित केले जाऊ शकतात.

टी-20 मालिकेसाठी टीम इंडिया - हार्दिक पांड्या (कर्णधार), ऋषभ पंत (उपकर्णधार), इशान किशन, शुभमन गिल, दीपक हुडा, सूर्यकुमार यादव, श्रेयस अय्यर, संजू सॅमसन, वॉशिंग्टन सुंदर, युझवेंद्र चहल, कुलदीप यादव, हर्षल पटेल, मोहम्मद सिराज, भुवनेश्वर कुमार, अर्शदीप सिंग, उमरान मलिक

वनडे मालिकेसाठी टीम इंडिया - शिखर धवन (कर्णधार), ऋषभ पंत (उपकर्णधार), शुभमन गिल, दीपक हुडा, सूर्यकुमार यादव, श्रेयस अय्यर, संजू सॅमसन, वॉशिंग्टन सुंदर, शार्दुल ठाकूर, शाहबाज अहमद, युझवेंद्र चहल, कुलदीप यादव, अर्शदीप सिंग, दीपक चहर, कुलदीप सेन, उमरान मलिक