Indian Cricket Team News: भारतीय संघाचा सलामीवीर फलंदाज केएल राहुल गेल्या काही सामन्यांमध्ये फ्लॉप ठरला आहे. नुकताच सुरु असलेल्या बॉर्डर गावसकर ट्रॉफीत देखील त्याला हवी तशी कामगिरी करता आलेली नाहीये.

त्यामुळे त्याला संघाबाहेर करण्याची मागणी जोर धरू लागली आहे. तर अनेक दिग्गजांनी त्याच्यावर टीकेचा वर्षाव केल्याचे देखील पाहायला मिळाले आहे.

दरम्यान आता भारतीय संघाचे माजी कर्णधार आणि बीसीसीआयचे माजी अध्यक्ष सौरव गांगुली यांनी देखील केएल राहुलला खडेबोल सुनावले आहे. (Latest sports updates)

आयपीएल २०२३ स्पर्धेच्या पार्श्वभूमीवर दिल्ल्ली कॅपिटल्स संघाचे सराव सत्र सुरु असताना सौरव गांगुली यांनी म्हटले की,' जेव्हा तुम्ही भारतात धावा करण्यात अपयशी ठरता तेव्हा नक्कीच तुमच्यावर टीका केली जाईल. केएल राहुल हा एकमेव खेळाडू नाहीये. तर भविष्यात असे अनेक खेळाडू होऊन गेले, ज्यांना या परिस्थितीचा सामना करावा लागला आहे.

केएल राहुल भारतात फ्लॉप ठरत असला तरीदेखील त्याने परदेशात जाऊन धावा केल्या आहेत. याबाबत बोलताना सौरव गांगुली म्हणाले की,' त्याने चांगली कामगीरी केली आहे. मात्र जेव्हा तुम्ही भारतीय संघात टॉप ऑर्डरमध्ये खेळतात, त्यावेळी तुमच्याकडून नेहमीच जास्तीची अपेक्षा असते. कारण कारण इतरांनी ठरवलेले मानक खूप उच्च आहेत.'

तसेच राहुल द्रविड नक्की कुठे चुकतोय? असा प्रश्न विचारला असता सौरव गांगुली यांनी म्हटले की,' जेव्हा तुम्ही अशा प्रकारच्या खेळपट्टीवर खेळता तेव्हा आणखी कठीण होऊन जातं. कारण चेंडूला टर्नसोबत उसळीही मिळत असते. जेव्हा तुम्ही फॉर्ममध्ये नसता त्यावेळी असमान उसळी असलेल्या खेळपट्टीवर खेळणं आणखी कठीण होऊन जातं.'