भारतीय संघाचा सलामीवीर फलंदाज शुभमन गिल आपल्या फलंदाजीमुळे नेहमीच चर्चेत असतो. इंग्लंड विरुद्ध झालेल्या वनडे मालिकेपासून त्याच्याकडे उपकर्णधारपदाची जबाबदारी सोपवण्यात आली आहे.

त्यामुळे त्याची जबाबदारी आणखी वाढली आहे. मैदानातील कामगिरीसह गिल आपल्या वैयक्तिक आयुष्यामुळेही नेहमीच चर्चेत असतो. अनेक माध्यमातील वृत्तांमध्ये, शुभमन गिलचं नाव सचिन तेंडुलकरची मुलगी सारा तेंडुलकरसोबत जोडलं गेलं आहे. नुकताच सोशल मीडियावर एक व्हिडीओ तुफान व्हायरल होतोय, ज्यात गिलला सारा तेंडुलकरबाबत प्रश्न विचारण्यात आला होता. या प्रश्नाचं उत्तर देताना गिल काय म्हणाला? जाणून घ्या.

व्हिडिओ होतोय व्हायरल

गिल सध्या भारतीय संघासोबत दुबईत आहे. आपल्या शानदार फलंदाजीमुळे त्याची जोरदार चर्चा सुरू आहे. व्हायरल होत असलेला व्हिडिओ आताचा नसून जुना आहे. मात्र तो ट्रेंड करत असल्याने हा व्हिडीओ पुन्हा एकदा व्हायरल होऊ लागला आहे. व्हायरल होत असलेल्या व्हिडिओमध्ये होस्ट गिलला विचारते, तू साराला डेट करतोय का? यावर उत्तर देताना गिल म्हणतो, ’ कदाचित..’

शुभमन गिल आणि सारा तेंडुलकरचं नाव खूप आधीपासून जोडलं जात आहे. दोघांचे काही फोटो देखील व्हायरल झाले होते. मात्र दोघेही एकमेकांना डेट करत असल्याची कुठलीही अधिकृत माहिती समोर आलेली नाही. सारा तेंडुलकर अनेकदा भारताचा सामना पाहण्यासाठी आली आहे. यासह काही महिन्यांपूर्वी ती शुभमन गिलच्या बहिणीसोबत एकाच कारमध्ये दिसून आली होती.

चॅम्पियन्स ट्रॉफीत गिल चमकला..

या स्पर्धेत रोहित शर्मा भारतीय संघाचं नेतृत्व करतोय. तर गिलकडे उपकर्णधारपदाची जबाबदारी सोपवण्यात आली आहे. स्पर्धेतील पहिल्याच सामन्यात बांगलादेशविरुद्ध खेळताना त्याने शानदार शतकी खेळी केली होती. त्यानंतर पाकिस्तानविरुद्धच्या सामन्यातही संघाला चांगली सुरुवात करून दिली होती.