Shreyas Iyer Longest Six In World Cup 2023:

भारत विरुद्ध श्रीलंका या दोन्ही संघांमध्ये वनडे वर्ल्डकप २०२३ स्पर्धेतील ३३ व्या सामन्याचा थरार सुरु आहे. मुंबईच्या वानखेडे स्टेडियमवर सुरु असलेल्या या सामन्यात नाणेफेकीचा कौल श्रीलंकेच्या बाजूने लागला.

या सामन्यात भारतीय संघ प्रथम फलंदाजी करण्यासाठी उतरला आहे. दरम्यान या डावात भारतीय संघाकडून चौथ्या क्रमांकावर फलंदाजीसाठी आलेल्या श्रेयस अय्यरने वर्ल्डकप २०२३ स्पर्धेतील सर्वात लांब षटकार मारला आहे. ज्याचा व्हिडिओ सध्या सोशल मीडियावर जोरदार व्हायरल होत आहे.

श्रेयस अय्यरने मारला वर्ल्डकप २०२३ स्पर्धेतील सर्वात लांब षटकार..

तर झाले असे की, शुभमन गिल ९२ धावांवर माघारी परतल्यानंतर श्रेयस अय्यर फलंदाजी करण्यासाठी मैदानावर आला होता. त्यावेळी ३६ वे षटक टाकण्यासाठी कसून रजिता गोलंदाजीला आला होता.

या षटकातील चौथ्या चेडूंवर श्रेयस अय्यरने जागेवरुन ऑन साईडच्या दिशेने १०६ मीटर लांब षटकार मारला आहे. हा वर्ल्डकप २०२३ स्पर्धेतील सर्वात लांब षटकार ठरला आहे.

वर्ल्डकप २०२३ स्पर्धेत सर्वात लांब षटकार मारण्याच्या बाबतीत त्याने ऑस्ट्रेलियाचा विस्फोटक फलंदाज ग्लेन मॅक्सवेलचा रेकॉर्ड मोडून काढला आहे. न्यूझीलंडविरुद्धच्या सामन्यात ग्लेन मॅक्सवेलने १०४ मीटर लांब षटकार मारला आहे.

तर तिसऱ्या क्रमांकावर श्रेयस अय्यरच्या षटकाराची नोंद आहे. श्रेयस अय्यरने अफगाणिस्तानविरुद्धच्या सामन्यात १०१ मीटर लांब षटकार मारला आहे. (Latest sports updates)

वनडे वर्ल्डकप २०२३ स्पर्धेत सर्वात लांब षटकार मारणारे फलंदाज

श्रेयस अय्यर -१०६ मीटर

ग्लेन मॅक्सवेल- १०४ मीटर

श्रेयस अय्यर- १०१ मीटर

फखर जमान- ९९ मीटर

डेव्हिड वॉर्नर- ९८ मीटर

विराट अन् गिलचं शतक हुकलं..

या सामन्यात भारतीय संघातील फलंदाज शुभमन गिल आणि विराट कोहलीला शतक पूर्ण करण्याची सुवर्णसंधी होती. मात्र ही संधी हुकली आहे. शतकाच्या अगदी जवळ असताना दोघेही फलंदाज बाद होऊन माघारी परतले आहेत. या सामन्यात विराट कोहली ९४ चेडूंचा सामना करत ८८ धावांची खेळी करत माघारी परतला. तर शुभमन गिल ९२ चेंडूंचा सामना करत ९२ धावांची खेळी करत माघारी परतला.