मास्टर ब्लास्टर सचिन तेंडुलकरच्या शिरपेचात आणखी एक मानाचा तुरा रोवला आहे. सचिन तेंडुलकरला बीसीसीआयकडून जीवनगौरव पुरस्कार मिळाला आहे. मुंबईतील बीसीसीआयच्या वार्षिक पुरस्कार समारंभात सचिन तेंडुलकरला हा पुरस्कार मिळाला आहे.

सचिन तेंडुलकरला याआधी कधीही पुरस्कार मिळाला नव्हता. बीसीसीआयच्या या समारंभात बीसीसीआय सीके नायडू जीवनगौरव पुरस्काराने सन्मानित करण्यात आलं. सचिनला याआधी भारतरत्न पुरस्कार मिळाला आहे. तसेच अर्जुन पुरस्कार, खेलरत्न, पद्मश्री, पद्म विभूषण आणि महाराष्ट्र भूषण पुरस्कार देखील मिळाला आहे. तर २०१२ साली त्याला ऑर्डर ऑफ ऑस्ट्रेलियाने देखील गौरवण्यात आलं होतं. आयसीसी आणि बीसीसीआयने सचिन तेंडुलकरला अनेक क्रीडा पुरस्कार दिले आहेत.

भारतासाठी ६६४ आंतरराष्ट्रीय सामने खेळणाऱ्या ५१ वर्षीय सचिन तेंडुलकरच्या नावावर क्रिकेट इतिहासातील कसोटी आणि एकदिवसीय सामन्यातील अनेक रेकॉर्ड त्याच्या नावावर आहेत. सचिनने २०० कसोटी सामने आणि ४६३ एकदिवसीय सामने खेळले आहेत. त्याचबरोबर त्याने वनडेमध्ये १८,४२६ धावा कुटल्या आहेत. तर कसोटी सामन्यांमध्ये १५,९२१ धावा कुटल्या आहेत. सचिने त्याच्या इंटरनॅशन करिअर क्रिकेटमध्ये एकच टी२० आंतरराष्ट्रीय सामना खेळला आहे. याआधी २०२३ साली भारताचे माजी प्रशिक्षक रवी शास्त्री आणि माजी क्रिकेटपटू फारुख इंजिनीअर यांना बीसीसीआयने पुरस्काराने सन्मानित केले होते.

सचिन फलंदाजी करण्यास उतरल्यानंतर क्रिकेटप्रेमी एकच जल्लोष करायचे. सचिनने पाकिस्तान विरोधातील कसोटी सामन्यात १६ वर्षे २०५ दिवसांचा असताना पदार्पण केले. त्यानंतर त्याने २४ वर्ष क्रीडाविश्वावर छाप उमटवली.

सचिनच्या नावावर टेस्ट आणि वनडे या दोन्ही फॉरमॅटमध्ये मिळून १०० शतक ठोकण्याचा विक्रम आहे. २०११ साली विश्वचषक जिंकणाऱ्या भारतीय संघातही सचिन तेंडुलकर होता. त्याचा सहावा आणि शेवटचा विश्वचषक होता. सचिनची फलंदाजी पाहण्यासाठी स्टेडियमवर एकच गर्दी व्हायची. सचिन फलंदाजी करताना प्रतिस्पर्धी गोलंदाजांना घाम फोडायचा.