रोहित शर्मा आंतरराष्ट्रीय क्रिकेटमधून निवृत्त होणार का? ऑस्ट्रेलियाविरुद्धची ही वनडे मालिका त्याची शेवटची असणार का? कसोटी आणि टी20 क्रिकेटनंतर आता रोहित एकदिवसीय क्रिकेटला अलविदा करणार का? असे अनेक प्रश्न क्रिकेट चाहत्यांना पडलेत... आणि याचं कारण ठरलंय रोहितने सोशल मीडियावर केलेली एक भावनिक पोस्ट...

ऑस्ट्रेलियाविरुद्धची एकदिवसीय मालिका संपल्यानंतर हिटमॅन रोहित शर्माच्या एका भावनिक सोशल मीडिया पोस्टने क्रिकेट जगतात खळबळ उडवून दिली आहे. त्याने सिडनी एअरपोर्टवरील आपला फोटो शेअर करत, "शेवटच्या वेळी, सिडनीहून सायनिंग ऑफ" असं कॅप्शन दिलंय... या पोस्टमुळे रोहित वनडे क्रिकेटमधूनही निवृत्त होणार संकेत मानले जातायत...

खरतर गेल्या काही महिन्यांपासून रोहित शर्माच्या एकदिवसीय कारकिर्दीबद्दल अनेक अंदाज लावले जात आहेत... शिवाय त्याच्या वाढलेलं वजन आणि सुटलेल्या पोटावरुनही टीका केली होती... पण ऑस्ट्रेलिया दौऱ्यापूर्वी रोहितने आपलं वजन कमी करत टीकाकारांची तोंडं तर बंद केलीच, शिवायय ऑस्ट्रेलिया दौऱ्यात एक शतक आणि एक अर्धशतक ठोकत टायगर अभी जिंदा है हे देखील दाखवून दिलंय..पण आता ऑस्ट्रेलियातून परतताना केलेली ही भावनिक पोस्ट, ऑस्ट्रेलियातील आंतरराष्ट्रीय क्रिकेटमधील त्याचा हा अखेरचा दौरा होता का अशा चर्चांनी आता जोर धरलाय...