IND VS AUS Ravindra Jadeja: बॉर्डर - गावसकर ट्रॉफितील दुसऱ्या कसोटी सामन्यात भारतीय संघातील अष्टपैलू खेळाडू रवींद्र जडेजाने जोरदार कामगिरी केल्याचे पाहायला मिळाले आहे. त्याने ऑस्ट्रेलिया संघाची दुसऱ्या डावातील फलंदाजी सुरू असताना ७ गडी बाद केले आहेत.

ज्यामध्ये ५ फलंदाजांना त्याने क्लीन बोल्ड करत माघारी धाडले आहे. यासह त्याने एका मोठ्या विक्रमाला गवसणी घातली आहे

रवींद्र जडेजाने ऑस्ट्रेलियाविरुध्द सुरू असलेल्या दुसऱ्या कसोटी सामन्यातील दुसऱ्या डावात १२.१ षटक गोलंदाजी करताना ७ गडी बाद केले. यासह त्याने सर्वात कमी षटकांमध्ये ७ गडी बाद करण्याचा विक्रम आपल्या नावावर केला आहे. (Latest Sports Updates)

यापूर्वी हा विक्रम आर अश्विनच्या नावे होता. अश्विनने २०१६ मध्ये न्यूझीलंडविरुध्द खेळताना १३.५ षटकांमध्ये ७ पेक्षा अधिक गडी बाद केले होते. तर नरेंद्र हिरवानी यांनी १५.२ षटकांमध्ये ७ गडी बाद केले होते.

कसोटी क्रिकेटमधील जडे जाची सर्वोत्तम कामगिरी...

डाव्या हाताचा फिरकी गोलंदाज रवींद्र जडेजाने १२.१ षटक गोलंदाजी करत अवघ्या ४२ धावा खर्च केल्या आणि ७ गडी बाद केले.

ही त्याची कसोटी क्रिकेटमधील सर्वोत्तम कामगिरी आहे. यापूर्वी त्याने २०१६ मध्ये चेन्नईच्या मैदानावर ४८ धावा खर्च करत ७ गडी बाद केले होते.

रवींद्र जडेजाने दिल्ली कसोटीतील दुसऱ्या डावातील सुरुवातीच्या ७ षटकांमध्ये केवळ १ गडी बाद केला होता. त्यानंतर उर्वरित ५.१ षटकांमध्ये त्याने ६ धावा खर्च करत ६ फलंदाजांना पॅव्हेलियनचा रस्ता दाखवला.