Manu Bhaker Indian Professional Shooter Viral Dance Video: भारताची स्टार नेमबाज मनू भाकरने पॅरिस ऑलिम्पिक स्पर्धेत कोट्यवधी भारतीयांची मान अभिमानाने उंचावली. भारताचे इतर खेळाडू पदक मिळवण्यासाठी संघर्ष करत असताना, एकट्या मनू भाकरने दोन कांस्यपदकं पटकावली.

दरम्यान या स्पर्धेत तुम्हाला मनू भाकरचं नेमबाजीतील कौशल्य पाहायला मिळालं. दरम्यान सोशल मीडियावर एक व्हिडिओ तुफान व्हायरल होतोय, ज्यात ती आपल्या डान्सचं कौशल्य सादर करताना दिसून येत आहे.

मनू भाकरचा हटके डान्स

मनू भाकर ही मल्टी टॅलेंटेड आहे. तिचा व्हायरल होत असलेला व्हिडिओ पाहून तुम्हाला अंदाज येईलच. व्हायरल होत असलेल्या व्हिडिओमध्ये ती काला चष्मा गाण्यावर भन्नाट डान्स करताना दिसून येत आहे. हा व्हिडिओ पाहून तुम्हीही गोत्यात याल. मनू भाकर नक्की खेळाडूच आहे की अभिनेत्री? असा प्रश्न पडल्याशिवाय राहणार नाही.

पॅरिस ऑलिम्पिक स्पर्धेत २ पदकं जिंकणाऱ्या मनू भाकरवर देशभरातून कौतुकाचा वर्षाव केला जातोय. जागोजागी तिचा सत्कार केला जातोय. नुकतेच तिने तामिळनाडूतील एका कार्यक्रमात हजेरी लावली होती.

या कार्यक्रमात तिने शालेय विद्यार्थ्यांसोबत डान्स करण्याचा आनंदा लुटला. नेमबाजीत अचुक निशाणा साधणारी मनू भाकर यावेळी काला चष्मा गाण्यावर डान्स करताना दिसून येत आहे. हा व्हिडिओ सध्या सोशल मीडियावर तुफान व्हायरल होतोय.

ऑलिम्पिकमध्ये पटकावली २ पदकं

पॅरिस ऑलिम्पिक २०२४ स्पर्धेत मनू भाकरने (Manu Bhaker)भारताला पदकांचं खातं उघडून दिलं होतं. मनूने १० मीटर एअर पिस्तुल प्रकारात कांस्यपदकाला गवसणी घातली होती. त्यानंतर १० मीटर एअर पिस्तुल मिश्र प्रकारात तिने सरबजोत सिंगसोबत मिळून कांस्यपदक पटकावलं होतं.

याच स्पर्धेत तिला पदकांची हॅट्रीक करण्याची संधी होती. मात्र २५ मीटर एअर पिस्तुल प्रकारात तिचं पदक थोडक्यात हुकलं होतं. या प्रकारात तिला चौथ्या स्थानी समाधान मानावं लागलं.