पॅरिस ऑलिम्पिक २०२४ स्पर्धेतील तिसऱ्या दिवशीही भारतीय संघाने शानदार कामगिरी केली. दुसऱ्या दिवशी पदकांचं खातं उघडल्यानंतर भारतीय खेळाडूंना तिसऱ्या दिवशीही पदकावर नाव कोरण्याची संधी होती. मात्र १० मीटर एअर राइफल शुटींग इव्हेंटमध्ये भारताला चौथ्या क्रमांकावर समाधान मानावं लागलं आहे. फायनलमध्ये सुरुवातीपासून शानदार कामगिरी करणाऱ्या अर्जुन बबुताला चौथ्या स्थानी समाधान मानावं लागलं आहे.
अर्जुनने फायनलमध्ये दमदार सुरुवात केली होती. त्याने १८ व्या फेरीपर्यंत टॉप ४ मध्ये आपलं स्थान कायम ठेवलं होतं. त्यानंतर ९.९ चा शॉट आल्यानंतर तो चौथ्या स्थानी सरकला. मात्र त्याने टॉप ४ मध्ये आपली जागा काही सोडली नाही.
सुवर्ण आणि रौप्य पदकासाठी लढत देत असलेल्या अर्जुनला शेवटी कांस्पपदक पटकावण्याची संधी होती. मात्र शेवटच्या शॉटमध्ये त्याला हवे तितके पॉईंट्स मिळवता आले नाही. त्यामुळे त्याला चौथ्या स्थानी समाधान मानावे लागले आहे.
पुरुषांच्या १० मीटर एअर रायफल शूटींग इव्हेंटमध्ये चीनच्या शेंग लिहाओने २५२.२ गुणांची कमाई करत सुवर्णपदकावर नाव कोरलं आहे. यापूर्वी झालेल्या टोकीयो ऑलिम्पिक स्पर्धेत त्याने रौप्यपदकावर नाव कोरलं होतं. तर स्विडेनच्या विक्टर लिंडग्रीनने रौप्य तर क्रोएशियाच्या मिरन मारिसिकने कांस्यपदक मिळवलं आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.